സൗദിയിൽ രോഗമുക്തരുടെ എണ്ണം 36040 ആയി; ചികിത്സയിൽ 28686

റിയാദ്​: സൗദി അറേബ്യയിൽ രോഗമുക്തര​ുടെ എണ്ണം 36040 ആയി. ചികിത്സയിൽ 28686 ആളുകൾ മാത്രമേയുള്ളൂ. വ്യാഴാഴ്​ച 2562 പേരാണ്​ പുതുതായി സുഖം പ്രാപിച്ചത്​.  രാജ്യത്തെ വിവിധ ആശുപത്രികളിലായി ചികിത്സയിൽ കഴിയുന്നവരുടെ എണ്ണത്തിലും കുറവുണ്ടായി. കഴിഞ്ഞ 24 മണിക്കൂറിനിടെ 2532 ​ആളുകളിലാണ്​ പുതുതായി  കോവിഡ്​ ബാധ സ്ഥിരീകരിച്ചത്​. ഇതോടെ ആകെ കോവിഡ്​ ബാധിതരുടെ എണ്ണം 65077 ആയി. ഒരു സ്വദേശി പൗരനും വിവിധ വിദേശരാജ്യക്കാരുമായ 12 പേർ വ്യാഴാഴ്​ച  മരിച്ചു. ഇതിൽ എട്ടുപേർ ജിദ്ദയിലും നാലു​ പേർ മക്കയിലുമാണ്​ മരിച്ചത്​. 45 നും 87 നും ഇടയിൽ പ്രായമുള്ളവരാണ്​ ഇവർ. ഇതോടെ ആകെ മരണ സംഖ്യ 351 ആയി.  ചികിത്സയിൽ കഴിയുന്നതിൽ 281 പേർ​ ഗുരുതരാവസ്ഥയിലാണ്​.

ബാക്കിയുള്ളവരുടെ ആരോഗ്യനില തൃപ്​തികരമാണ്​​. സ്​ത്രീകൾക്കും കുട്ടികൾക്കുമിടയിലെ രോഗവ്യാപനം  കൂടുകയാണെന്ന്​ ആരോഗ്യമന്ത്രാലയ വക്താവ്​ ഡോ. മുഹമ്മദ്​ അബ്​ദു അൽഅലി വാർത്താസമ്മേളനത്തിൽ പറഞ്ഞു. പുതിയ രോഗികളിൽ 27 ശതമാനം​ സ്​ത്രീകളും 10​  ശതമാനം കുട്ടികളുമാണ്​​. യുവാക്കൾ മൂന്ന്​​​ ശതമാനവും​. പുതിയ രോഗബാധിതരിൽ സൗദി പൗരന്മാരുടെ എണ്ണം 39 ശതമാനമാണ്​​. ബാക്കി 61 ശതമാനം മറ്റ്​ വിവിധ  രാജ്യങ്ങളിൽ നിന്നുള്ളവരാണ്​. കഴിഞ്ഞ 24 മണിക്കൂറിനിടെ 14980 കോവിഡ്​ ടെസ്​റ്റുകളാണ്​ നടന്നത്​. രാജ്യത്താകെ ഇതുവരെ 633064 ടെസ്​റ്റുകൾ നടന്നു. രോഗികളെ  കണ്ടെത്താൻ ആരോഗ്യ വകുപ്പ്​ രാജ്യവ്യാപകമായി നടത്തുന്ന ഫീൽഡ്​ സർവേ 33ാം ദിവസത്തിലെത്തി. വീടുകളിലും മറ്റ്​ താമസകേന്ദ്രങ്ങളിലും ചെന്നുള്ള മെഡിക്കൽ ടീമി​ ​െൻറ പരിശോധനയ്​ക്ക്​ പുറമെ ആളുകളെ ഫോൺ ചെയ്​ത്​ വിളിച്ചു വരുത്തി പരിശോധന നടത്തുന്ന റാണ്ടം ടെസ്​റ്റിങ്ങും നടക്കുന്നു. നാലുപേർ കൂടി മരിച്ചതോടെ മക്കയിൽ  148 ഉം ഏഴുപേർ മരിച്ച്​ ജിദ്ദയിൽ 110 ഉം ആയി മരണസംഖ്യ. കോവിഡ്​ ബാധിച്ച ചെറുതും വലുതുമായ സൗദി പട്ടണങ്ങളുടെ എണ്ണം 144 ആയി​. 

പുതിയ രോഗികൾ:
റിയാദ്​ 714, ജിദ്ദ 390, മക്ക 299, മദീന 193, ബുറൈദ 144, ഹുഫൂഫ്​ 141, ദമ്മാം 86, ദറഇയ 61, ജുബൈൽ 58, ഖോബാർ 54, ദഹ്​റാൻ 52, തബൂക്ക്​ 51, ത്വാഇഫ്​ 50, ദുബ 30,  യാംബു 16, ഖത്വീഫ്​ 15, ബേയ്​ഷ്​ 12, അഹദ്​ റുഫൈദ 10, ഖുലൈസ്​ 9, അൽജഫർ 8, നജ്​റാൻ 8, ഖമീസ്​ മുശൈത്​ 7, അഖീഖ്​ 7, മഹായിൽ 6, ബീഷ 6, അൽഖർജ്​ 6,  റിജാൽ അൽമ 5, അയൂൻ അൽജുവ 5, ഹാഇൽ 5, ഹുത്ത സുദൈർ 5, അബഹ 4, അൽഖഫ്​ജി 4, അൽസഹൻ 4, അൽബത്​ഹ 3, സഫ്​വ 3, ഉനൈസ 3, ഉമ്മു അൽദൂം 3,  വാദി ദവാസിർ 3, ദവാദ്​മി 3, മുസാഹ്​മിയ 3, ദഹ്​റാൻ അൽജനുബ്​ 2, നാരിയ 2, അൽബദാഇ 2, അൽബഷായിർ 2, മൈസാൻ 2, റാബിഗ്​ 2, അൽവജ്​ഹ്​ 2, സാംത 2, സബ്​യ  2, അൽഗൂസ്​ 2, ഹുത്ത ബനീ തമീം 2, അൽദിലം 2, റുവൈദ അൽഅർദ 2, ശഖ്​റ 2, അൽഖുവയ്യ 2, അബ്​ഖൈഖ്​ 1, വാദി അൽഫറഅ 1, മഹദ്​ അൽദഹബ്​ 1, തത്​ലീത്​ 1,  അൽഖറഇ 1, അൽബാഹ 1, അൽഗാര 1, ബൽജുറഷി 1, അൽഅർദ 1, തുവാൽ 1, ഖുൻഫുദ 1, ശറൂറ 1, മനാഫ അൽഹുദൈദ 1, താദിഖ്​ 1, അൽറയീൻ 1, സാജർ 1

മരണസംഖ്യ:
മക്ക 148, ജിദ്ദ 110, മദീന 42, റിയാദ്​ 19, ദമ്മാം 8, ഹുഫൂഫ്​ 4, അൽഖോബാർ 3, ജുബൈൽ 3, ബുറൈദ 3, ജീസാൻ 1, ഖത്വീഫ് 1​, ഖമീസ്​ മുശൈത്ത് 1​, അൽബദാഇ 1,  തബൂക്ക്​ 1, ത്വാഇഫ്​ 1, വാദി ദവാസിർ 1, യാംബു 1, റഫ്​ഹ 1, അൽഖർജ്​ 1, നാരിയ 1