സൗദിയിൽ രോഗമുക്തർ 5000 കടന്നു; ചികിത്സയിൽ 24620 പേർ

റിയാദ്​: രോഗപ്രതിരോധ പ്രവർത്തനങ്ങൾക്ക്​ ആത്മവിശ്വാസം പകർന്ന്​ സൗദി അറേബ്യയിൽ സുഖം പ്രാപിച്ചവരുടെ എണ്ണം 5000 കടന്നു. ചൊവ്വാഴ്​ച 955 പേർക്ക്​ അസുഖം​  ഭേദമായതോടെ രോഗമുക്തരുടെ എണ്ണം 5431 ആയി. അതിനിടെ ഒമ്പത്​ പേർ കൂടി മരിച്ചു. ഒരു സ്വദേശിയും എട്ട്​ വിദേശികളുമാണ്​ മരിച്ചത്​. മൂന്ന്​ പേർ വീതം മക്കയിലും  ജിദ്ദയിലും ഒാരോരുത്തർ റിയദ്​, മദീന, ബുറൈദ എന്നിവിടങ്ങളിലുമാണ്​ മരിച്ചത്​. 34നും 75നും ഇടയിൽ പ്രായമുള്ളവരാണ്​ ഇവർ​. 

ഇതോടെ ആകെ മരണ സംഖ്യ 200 ആയി.  1595 പേരിൽ പുതുതായി രോഗം സ്ഥിരീകരിച്ചു. ഇതോടെ​ രാജ്യത്ത്​ ഇതുവരെ റിപ്പോർട്ട്​ ചെയ്യ​പ്പെട്ട കോവിഡ്​ കേസുകളുടെ എണ്ണം 30251 ആയി. ഇതുവരെ നടന്ന കോവിഡ്​  ടെസ്​റ്റുകളുടെ എണ്ണം 365,093 ആയി. പുതിയ രോഗികളിൽ 86 ശതമാനം പുരുഷന്മാരും 14 ശതമാനം സ്​ത്രീകളുമാണെന്ന്​ ആരോഗ്യമന്ത്രാലയ വക്താവ്​ ഡോ. മുഹമ്മദ്​  അബ്​ദു അൽഅലി വാർത്താസമ്മേളനത്തിൽ പറഞ്ഞു. അതിൽ 24 ശതമാനം സൗദികളും 76 ശതമാനം വിദേശികളുമാണ്​. 

ആറ്​​​ ശതമാനം കുട്ടികളും രണ്ട്​​​ ശതമാനം  കൗമാരക്കാരും 92 ശതമാനം മുതിർന്നവരുമാണ്​. ചികിത്സയിൽ കഴിയുന്ന 24620 ആളുകളിൽ 143 പേർ ഗുരുതരാവസ്ഥയിൽ തീവ്രപരിചരണ വിഭാഗത്തിലാണ്​. രോഗികളെ  കണ്ടെത്താൻ ആരോഗ്യ വകുപ്പ്​ രാജ്യവ്യാപകമായി നടത്തുന്ന ഫീൽഡ്​ സർവേ 19 ദിവസം പിന്നിട്ടു. വീടുകളിലും മറ്റ്​ താമസകേന്ദ്രങ്ങളിലും ചെന്നുള്ള മെഡിക്കൽ ടീമി​​െൻറ  പരിശോധന തുടരുകയാണ്​. മൂന്നു പേർ വീതം മരിച്ചതോടെ മക്കയിൽ മരണസംഖ്യ 85ഉം ജിദ്ദയിൽ 53ഉം ആയി. 

പുതിയ രോഗികൾ:
ജിദ്ദ 385, മക്ക 337, റിയാദ്​ 230, ദമ്മാം 141, ജുബൈൽ 120, ഹുഫൂഫ്​ 101, ഖോബാർ 89, ത്വാഇഫ്​ 65, മദീന 25, നാരിയ 14, ബേഷ്​ 14, ഖുറയാത്​ അൽഉൗലിയ 12, ദറഇയ 11,  ബുറൈദ 9, അബഹ 8, തബൂക്ക്​ 8, റാബിഗ്​ 5, സുൽഫി 5, ബീഷ 4, ഖർജ്​ 4, യാംബു 2, അൽഹദ 1, ഖറഇയ 1, മഖ്​വ 1, ദേബ 1, ഖുൻഫുദ 1, ലൈല 1

മരണസംഖ്യ:
മക്ക 85, ജിദ്ദ 53, മദീന 34, റിയാദ്​ 9, ഹുഫൂഫ്​ 4, ദമ്മാം 4, ജുബൈൽ 2, അൽഖോബാർ 2, ബുറൈദ 2, ജീസാൻ 1, ഖത്വീഫ് 1​, ഖമീസ്​ മുശൈത്ത് 1​,  അൽബദാഇ 1, തബൂക്ക്​  1.