അനധികൃത പണക്കടത്ത്: മലയാളി ഡ്രൈവർക്ക്​ തടവും പിഴയും

ദമ്മാം: സൗദിയിൽ നിന്ന് യു.എ.ഇയിലേക്ക് അനധികൃതമായി പണം കടത്താൻ ശ്രമിച്ച കേസിൽ മലയാളി ഡ്രൈവറെ കോടതി ശിക്ഷിച്ചു. ഒരു വർഷം തടവും 10,000 റിയാൽ പിഴയുമാണ് ദമ്മാം ക്രിമിനൽ കോടതി വിധിച്ചത്. സൗദി - യു.എ.ഇ അതിർത്തിയിൽ മാസങ്ങൾക്ക് മുമ്പാണ് കസ്‌റ്റംസ്‌ സുരക്ഷാ വകുപ്പ് ഉദ്യോഗസ്ഥർ ഇയാളെ പിടികൂടിയത്​. അനധികൃതമായി കടത്താൻ ശ്രമിച്ച 25 ലക്ഷം റിയാലാണ് ഇയാളിൽ നിന്ന്​ കണ്ടെടുത്തത്​. 25 വർഷമായി ട്രൈലർ ഡ്രൈവറായി ജോലിചെയ്യുന്ന സുലൈമാൻ എന്നയാളാണ്​​​ ശിക്ഷിക്കപ്പെട്ടത്​​. 

ഉന്നത അന്വേഷണ സംഘത്തി​​​െൻറ ചോദ്യം ചെയ്യലിൽ മൂസ എന്നയാളാണ് പണം കൈമാറിയതെന്നും പണത്തി​​​െൻറ സ്രോതസ്​ അറിയില്ലെന്നും മൊഴി നൽകി. വിശദമായ അന്വേഷണത്തിന് ശേഷം കുറ്റം തെളിഞ്ഞതിനാൽ കോടതി ശിക്ഷ വിധിച്ചു. പിടികൂടിയ പണം കണ്ടുകെട്ടുകയും ശിക്ഷ പൂർത്തിയാവുന്ന മുറക്ക് നാടുകടത്തുകയും ചെയ്യും. 
സൗദിയിൽ നിന്ന് കര, വ്യോമ മാർഗങ്ങളിലൂടെ പണക്കടത്ത് നടത്തുന്ന സംഘങ്ങളിൽ വിവിധ ജോലികളിലേർ​പ്പെട്ട ഒ​േട്ടറെ ഇന്ത്യക്കാരുണ്ടെന്ന്​ കോടതി നിരീക്ഷിച്ചു. ആഴ്​ചകൾക്കകം കോടതിയുടെ പരിഗണനക്കെത്തുന്ന നാലാമത്തെ സമാന കേസാണിതെന്ന്​ ദമ്മാം ക്രിമിനൽ കോടതി പരിഭാഷകൻ മുഹമ്മദ്​ നജാത്തി പറഞ്ഞു.