അബ്​ദുൽ ഫതാഹ്​ കൊലക്കേസ്:  കുടുംബം മാപ്പ്​ നൽകി;​ വധശിക്ഷ  കാത്ത്​ കഴിഞ്ഞ വള്ളിക്കുന്ന്​ സ്വദേശി മോചിതനായി നാടണഞ്ഞു

ജിദ്ദ: കൊലക്കേസിൽ വധശിക്ഷ  വിധിക്കപ്പെട്ട മലയാളി യുവാവ്​  കൊല്ലപ്പെട്ടയാളുടെ ബന്ധുക്കളുടെ ദയാവായ്​പിൽ മോചിതനായി നാടണഞ്ഞു. മലപ്പുറം കൂട്ടിലങ്ങാടി സ്വദേശി അബ്​ദുൽ ഫതാഹ്​ വധിക്കപ്പെട്ട കേസിൽ ആറര വർഷമായി ജിദ്ദയിലെ ജയിലിലായിരുന്ന വള്ളിക്കുന്ന്​ പെരുവള്ളൂർ കൂമണ്ണ സ്വദേശി അബ്​ദുൽ വഹാബ്​ കാട്ടീരിയാണ് (27)​ കഴിഞ്ഞ ദിവസം  മോചിതനായി നാട്ടിലേക്ക്​ തിരിച്ചത്​​. 2010 ^ൽ​ ജിദ്ദ ഷറഫിയയിലെ താമസമുറിയിൽ അതിഥിയായെത്തിയ  അബ്​ദുൽ ഫതാഹിനെ മദ്യക്കുപ്പികൊണ്ട്​  കുത്തിക്കൊലപ്പെടുത്തി എന്നായിരുന്നു കേസ്​.

മദ്യലഹരിയിലായിരുന്നു ആക്രമണം. തലക്ക്​ ഗുരുതരമായി മുറിവേറ്റ്​​ നാല്​ ദിവസം കഴിഞ്ഞാണ്​  അബ്​ദുൽ ഫതാഹ്​ ചികിൽസയിലിരിക്കെ ​ മരിച്ചത്​. ഭാര്യയും മൂന്ന്​ മക്കളുമുള്ള ഫതാഹ്​ ജിദ്ദയിൽ സെയിൽസ്​മാൻ ആയിരുന്നു​. സംഭവത്തിൽ അറസ്​റ്റിലായ അബ്​ദുൽ വഹാബിന്​ ശരീഅത്ത്​ കോടതി വധശിക്ഷ വിധിച്ചു. ഒടുവിൽ അബ്​ദുൽ ഫതാഹി​​െൻറ കുടുംബം മാപ്പ്​ നൽകാൻ സന്നദ്ധമായതോടെയാണ്​ അബ്​ദുൽ വഹാബിന്​ വധശിക്ഷയിൽ നിന്ന്​ മോചനം സാധ്യമായത്​. കുടുംബം മാപ്പ്​ നൽകിയതിനാൽ വധശിക്ഷ അഞ്ച്​ വർഷത്തെ ജയിൽവാസമാക്കി ശരീഅത്ത് ​കോടതി ചുരുക്കി. കഴിഞ്ഞ മാസമാണ്​ ഇതു സംബന്ധിച്ച നിയമ നടപടികൾ പൂർത്തിയായത്​. ഇതിനകം ആറര വർഷം ജയിലിലായതിനാൽ  മോചനത്തിന്​ വേഗം നടപടിയായി. മകൻ ജയിലിൽ നിന്നിറങ്ങിയ ദിവസം ഉമ്മ റഹ്​മത്ത്​ ഉംറ നിർവഹിക്കാൻ മക്കയിലെത്തിയിരുന്നു. സങ്കീർണമായിരുന്നു ഇൗ കേസെന്ന്​ മാപ്പ്​ ലഭ്യമാക്കാൻ ഇടപെട്ട അൽഫദ്​ൽ കമ്പനി ഉടമ അബ്​ദുറഹ്​മാൻ അബ്​ദുല്ല യൂസുഫ്​ പറഞ്ഞു. 

അഞ്ചു വർഷത്തോളം നീണ്ട പരിശ്രമത്തിനൊടുവിലാണ്​   വഹാബിന്​ മോചനം സാധ്യമായതെന്ന്​ അദ്ദേഹം പറഞ്ഞു. ഹസൻ കുട്ടി- അയിഷ ദമ്പതികളുടെ  മകനാണ്​ കൊല്ലപ്പെട്ട അബ്​ദുൽ ഫതാഹ്​. ഹസീനയാണ്​ ഭാര്യ. ഫെമിന, ഫസ്​ന വഫ, മുഹമ്മദ്​ ഇർഫാൻ എന്നിവർ മക്കളാണ്​. കെ.എം.സി.സി  വള്ളിക്കുന്ന്​ മണ്ഡലം കമ്മിറ്റി പ്രവർത്തകരായ ശരീഫ്​ സൂപ്പർ ബസാർ, നസീം കാടപ്പടി, ചെമ്പൻ അബ്​ദു, പി.സി കരീം, മജീദ്​ കള്ളിയൻ എന്നിവരാണ്​ കേസിൽ സഹായം ലഭ്യമാക്കാൻ സജീവമായി പ്രവർത്തിച്ചിരുന്നത്​.