പി​ണ​റാ​യി വി​ജ​യ​​ന്റെ ദു​ർ​ഭ​ര​ണ​ത്തി​​ന്റെ കൗ​ണ്ട്ഡൗ​ൺ തു​ട​ങ്ങി -ദ​മ്മാം ഒ.​ഐ.​സി.​സി

ദ​മ്മാം: നി​ല​മ്പൂ​ർ ഉ​പ​തെ​ര​ഞ്ഞെ​ടു​പ്പി​ൽ ഐ​ക്യ​ മു​ന്ന​ണി സ്ഥാ​നാ​ർ​ഥി ആ​ര്യാ​ട​ൻ ഷൗ​ക്ക​ത്ത് നേ​ടി​യ വി​ജ​യ​ത്തി​ൽ ഒ.​ഐ.​സി.​സി സൗ​ദി കി​ഴ​ക്ക​ൻ പ്ര​വി​ശ്യ പാ​യ​സ​വും മ​ധു​ര​വും വി​ത​ര​ണം ചെ​യ്തു ആ​ഹ്ലാ​ദം പ്ര​ക​ടി​പ്പി​ച്ചു.

പി​ണ​റാ​യി വി​ജ​യ​ന്റെ ദു​ർ​ഭ​ര​ണ​ത്തി​​ന്റെ കൗ​ണ്ട് ഡൗ​ൺ നി​ല​മ്പൂ​ർ ഉ​പ​തെ​ര​ഞ്ഞെ​ടു​പ്പ് ഫ​ല​ത്തോ​ടെ തു​ട​ങ്ങി​യ​താ​യി ദ​മ്മാം ഒ.​ഐ.​സി.​സി വി​ല​യി​രു​ത്തി. 2026ലെ ​നി​യ​മ​സ​ഭാ തെ​ര​ഞ്ഞെ​ടു​പ്പി​ന്റെ സെ​മി​ഫൈ​ന​ലെ​ന്ന് വി​ശേ​ഷി​പ്പി​ക്ക​പ്പെ​ട്ട നി​ല​മ്പൂ​ർ ഉ​പ​തെ​ര​ഞ്ഞെ​ടു​പ്പി​ൽ ജ​നാ​ധി​പ​ത്യ കേ​ര​ള​ത്തി​​ന്റെ പ​രിഛേ​ദ​മാ​യി നി​ല​മ്പൂ​ർ ജ​ന​ത യു.​ഡി.​എ​ഫി​നൊ​പ്പം നി​ന്നു. പി​ണ​റാ​യി വി​ജ​യ​ൻ സ​ർ​ക്കാ​രി​നെ​തി​രെ​യു​ള്ള കേ​ര​ള​ത്തി​ലെ മു​ഴു​വ​ൻ ജ​ന​ങ്ങ​ളു​ടെ​യും രോ​ഷ​മാ​ണ് നി​ല​മ്പൂ​ർ ജ​ന​ത ഏ​റ്റെ​ടു​ത്ത​ത്.

ഏ​റ്റ​വും മി​ക​ച്ച​തെ​ന്ന് വി​ളം​ബ​രം ന​ട​ത്തി പി​ണ​റാ​യി​സ​ത്തോ​ട് ചേ​ർ​ന്ന് നി​ൽ​ക്കു​ന്ന ചാ​ന​ലു​ക​ളും സെ​ല​ക്റ്റീ​വാ​യി മാ​ത്രം വാ​യ തു​റ​ക്കു​ന്ന സാം​സ്‌​കാ​രി​ക നാ​യ​ക​രും വാ​ഴ്ത്തി​പ്പാ​ടി​യ ഇ​ട​ത് സ്ഥാ​നാ​ർ​ഥി, സ്വ​ന്തം ബൂ​ത്തി​ൽ പോ​ലും പി​റ​കി​ലാ​യി. പി​ണ​റാ​യി വി​ജ​യ​ൻ എ​ല്ലാ പ​ഞ്ചാ​യ​ത്തി​ലും പോ​യി ക​വ​ല പ്ര​സം​ഗ​ങ്ങ​ൾ ന​ട​ത്തി​യും ഭ​ര​ണ​ത​ല​സ്ഥാ​നം നി​ല​മ്പൂ​രി​ലേ​ക്ക് മാ​റ്റി എ​ല്ലാ മ​ന്ത്രി​മാ​രും രാ​പ​ക​ൽ ഓ​ടി​ന​ട​ന്നു വോ​ട്ട് ചോ​ദി​ച്ചു ന​ട​ത്തി​യ പ​ണ​മൊ​ഴു​ക്കി​യ പ്ര​വ​ർ​ത്ത​ന​ങ്ങ​ൾ മൂ​ല്യ​ബോ​ധ​മു​ള്ള ജ​ന​ത പുഛി​ച്ചു ത​ള്ളി. ഇ​ട​ത് മു​ന്ന​ണി കാ​ടി​ള​ക്കി ന​ട​ത്തി​യ വ​ർ​ഗീ​യ പ്ര​ച​ാര​ണ​ങ്ങ​ൾ മ​തേ​ത​ര കേ​ള​ത്തി​ന് വേ​ദ​ന ഉ​ള​വാ​ക്കു​ന്ന​താ​യി​രു​ന്നു.

ക​ഴി​ഞ്ഞ ഒ​മ്പ​തു വ​ർ​ഷ​കാ​ലം പി​ണ​റാ​യി സ​ർ​ക്കാ​ർ ന​ട​ത്തി​യ ജ​ന​ദ്രോ​ഹ ഭ​ര​ണ​ത്തി​ന് എ​തി​രെ നി​ല​മ്പൂ​ർ ജ​ന​ത രേ​ഖ​പ്പെ​ടു​ത്തി​യ അ​വി​ശ്വാ​സ​മാ​ണ് ഈ ​തെ​ര​ഞ്ഞെ​ടു​പ്പ് ഫ​ലം. ഇ​ത് അ​ടു​ത്ത വ​ർ​ഷം ന​ട​ക്കു​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ പി​ണ​റാ​യി ദു​ർ​ഭ​ര​ണ​ത്തെ കേ​ര​ള ജ​ന​ത വ​ലി​ച്ചു താ​ഴെ ഇ​ടും എ​ന്ന വ്യ​ക്ത​മാ​യ സൂ​ചി​ക​യാ​ണ്. ജ​നാ​ധി​പ​ത്യം കൃ​ത്യ​മാ​യി വി​നി​യോ​ഗി​ച്ച നി​ല​മ്പൂ​ർ ജ​ന​ത​യെ ദ​മ്മാം ഒ.​ഐ.​സി.​സി അ​ഭി​ന​ന്ദി​ച്ചു.

വി​ജ​യാ​ഘോ​ഷ​ത്തി​ൽ പ്ര​സി​ഡ​ന്റ് ഇ.​കെ. സ​ലി​മി​​ന്റെ​യും നാ​ഷ​ന​ൽ ക​മ്മി​റ്റി പ്ര​സി​ഡ​ന്റ്​ ബി​ജു ക​ല്ലു​മ​ല​യു​ടെ​യും നേ​തൃ​ത്വ​ത്തി​ൽ റ​ഫീ​ഖ് കൂ​ട്ടി​ല​ങ്ങാ​ടി, പ്ര​മോ​ദ് പൂ​പ്പാ​ല, ഷം​സ് കൊ​ല്ലം, പി.​കെ. അ​ബ്​​ദു​ൽ ക​രിം, നൗ​ഷാ​ദ് ത​ഴ​വ, നി​ഷാ​ദ് കു​ഞ്ചു, ഗ​ഫൂ​ർ വ​ണ്ടൂ​ർ, ഹ​മീ​ദ് മ​ര​ക്കാ​ശ്ശേ​രി, ഷാ​ഹി​ദ് കൊ​ടി​യ​ങ്ങ​ൽ, ജ​ലീ​ൽ പ​ള്ളാ​തു​രു​ത്തി, അ​ഷ്റ​ഫ് കൊ​ണ്ടോ​ട്ടി, മു​ഹ​മ്മ​ദ് ഈ​സ, ബി​ൻ​സ് മാ​ത്യൂ​സ് ഉ​ൾ​പ്പെ​ടെ​യു​ള്ള​വ​ർ സം​ബ​ന്ധി​ച്ചു.