സൗദിയിലെ മലയാളി നഴ്സിന് കൊറോണ ബാധയെന്ന് സ്ഥിരീകരണമില്ല; സം​സ്ഥാ​ന​ത്ത് ജാ​ഗ്ര​ത

അബഹ: സൗദി അറേബ്യയിൽ മലയാളി നഴ്സിന് കൊറോണ വൈറസ് ബാധിച്ചതായുള്ള റിപ്പോര്‍ട്ടിന് സ്ഥിരീകരണമില്ല. കോട്ടയം ഏറ്റു മാനൂര്‍ സ്വദേശിനിക്ക് വൈറസ് ബാധിച്ചതിട്ടായിരുന്നു റിപ്പോർട്ടുകൾ. അബഹയിലെ സ്വകാര്യ ആശുപത്രിയില്‍ ചികിത്സയില ്‍ കഴിയുന്ന യുവതിയുടെ നില തൃപ്തികരമാണെന്നാണ് വിവരം. മലയാളി നഴ്സിന്‍റെയും സംശയമുള്ളവരുടെയും സാമ്പിളുകൾ പരിശോ ധനക്ക് അയച്ചിട്ടുണ്ട്. ഇതുവരെയെത്തിയ ഫലങ്ങളില്‍ ഇവര്‍ക്കൊന്നും വൈറസ് ബാധയില്ല. എങ്കിലും ജാഗ്രതയിലാണ് ആരോഗ്യ മന്ത്രാലയം.

കഴിഞ്ഞ ദിവസമാണ് അബഹയിലെ ആശുപത്രിയില്‍ ഫിലിപ്പീനി നഴ്സിന് കൊറോണ വൈറസ് ബാധയുള്ളതായി റിപ്പോര്‍ട്ട് വന്നത്. ഇതിന് പിന്നാലെയാണ് കോട്ടയം സ്വദേശിയിലും വൈറസ് സാന്നിധ്യം കണ്ടെത്തിയെന്നായിരുന്നു റിപ്പോർട്ട്. ഫിലിപ്പീനി നഴ്സിനെ ശുശ്രൂഷിക്കുന്നതിനിടയിലാണ് മലയാളി നഴ്സിന് രോഗം പിടിപെട്ടതെന്ന് ആശുപത്രിയിലെ മറ്റു മലയാളി നഴ്‌സുമാര്‍ പറയുന്നു.

വൈറസ് പടരുമോ എന്ന് ഭയന്ന് പല ജീവനക്കാരും ആശുപത്രിയിലേക്ക് എത്തുന്നില്ലെന്നും നഴ്സുമാര്‍ വ്യക്തമാക്കി. സംഭവത്തില്‍ ഇന്ത്യന്‍ എംബസി ഇടപെടുന്നുണ്ടെന്നാണ് വിവരം.

ചൈനയിലും അമേരിക്കയിലും കൊറോണ വൈറസ് പടരുന്നതിന്‍റെ പശ്ചാത്തലത്തിൽ സംസ്ഥാനത്ത് അതീവ ജാഗ്രത നിർദേശം നൽകിയതായി മന്ത്രി കെ കെ ശൈലജ അറിയിച്ചിരുന്നു. ഇതിന് പിന്നാലെയാണ് സൌദിയിലും കൊറോണ വൈറസ് കണ്ടെത്തുന്നത്.

സംസ്ഥാനത്ത് ജാഗ്രത നിര്‍ദേശം
തി​രു​വ​ന​ന്ത​പു​രം: ചൈ​ന​യി​ല്‍ കൊ​റോ​ണ വൈ​റ​സ് പ​ട​രു​ന്ന പ​ശ്ചാ​ത്ത​ല​ത്തി​ല്‍ സം​സ്ഥാ​ന​ത്ത് ആ​രോ​ഗ്യ​വ​കു​പ്പ് ജാ​ഗ്ര​ത നി​ര്‍ദേ​ശം പു​റ​പ്പെ​ടു​വി​ച്ച​താ​യി മ​ന്ത്രി കെ.​കെ. ശൈ​ല​ജ അ​റി​യി​ച്ചു. സം​സ്ഥാ​ന​ത്തെ വി​മാ​ന​ത്താ​വ​ള​ങ്ങ​ള്‍ കേ​ന്ദ്രീ​ക​രി​ച്ച് നി​രീ​ക്ഷ​ണം ശ​ക്ത​മാ​ക്കി​യി​ട്ടു​ണ്ട്. ചൈ​ന​യി​ല്‍ പോ​യി തി​രി​കെ​വ​ന്ന​വ​ര്‍ അ​ത​ത് ജി​ല്ല മെ​ഡി​ക്ക​ല്‍ ഓ​ഫി​സ​റു​മാ​യി ബ​ന്ധ​പ്പെ​ട​ണം.
എ​ന്തെ​ങ്കി​ലും രോ​ഗ ല​ക്ഷ​ണ​ങ്ങ​ള്‍ ക​ണ്ടാ​ല്‍ ഇ​വ​രെ പ്ര​ത്യേ​ക​മാ​യി നി​രീ​ക്ഷി​ക്കും. രോ​ഗ​ബാ​ധ പ്ര​തി​രോ​ധി​ക്കാ​നു​ള്ള ന​ട​പ​ടി​ക​ള്‍ സ്വീ​ക​രി​ക്കു​ന്ന​തി​ന് ആ​രോ​ഗ്യ​വ​കു​പ്പ് ഉ​ദ്യോ​ഗ​​സ്ഥ​രോ​ട്​ ആ​വ​ശ്യ​പ്പെ​ട്ടി​ട്ടു​ണ്ട്.