കോർണിഷ്​ തീരത്തെ മാലിന്യങ്ങൾ നീക്കി

ജിദ്ദ: കോർണിഷ്​ തീരത്തെ കടലി​ലെ മാലിന്യങ്ങൾ നീക്കം ചെയ്​തു. 250ലേറെ വളണ്ടിയർമാർ മണിക്കൂറുകളോളം പരിശ്രമിച്ചാണ്​ കടലും പരിസരവും വൃത്തിയാക്കിയത്​. ‘മാലിന്യരഹിത പരിസരം​’ എന്ന തലക്കെട്ടിൽ പരിസ്​ഥിതി വകുപ്പി​​െൻറ പങ്കാളിത്തത്തോടെ നാഷനൽ പെട്രോകെമിക്കൽ ഇൻഡസ്​ട്രീസ്​ കമ്പനി ആരംഭിച്ച കാമ്പയിനിലാണ് ഇത്രയും പേർ പങ്കാളികളായത്​. ഇതിൽ 100 പേർ മുങ്ങൽ വിദഗ്​ധരായിരുന്നു. 150 വിദ്യാർഥികളും​.

പരിസ്​ഥിതി സംരക്ഷണം സമൂഹികപ്രവർത്തനത്തി​​െൻറ ഭാഗമായി തിരിച്ചറിഞ്ഞാണ്​ കാമ്പയിൻ സംഘടിപ്പിച്ചതെന്ന്​ മക്ക മേഖല കാലാവസ്​ഥ പരിസ്​ഥിതി വിഭാഗം മേധാവി വലീദ്​ അൽഹുജൈലി പറഞ്ഞു. കടലിൽ മാലിന്യങ്ങൾ എറിയുന്നത്​ കൂടി വന്നതോടെയാണ്​ എല്ലാ ഫെബ്രുവരിയിലും ജി.സി.സി രാജ്യങ്ങളിൽ കടൽ ശുചീകരണം നടത്തിവരുന്നതെന്നും അദ്ദേഹം പറഞ്ഞു.