ദമ്മാം തുറമുഖത്ത്​ ക​െണ്ടയ്​നർ ടെർമിനലുകളുടെ പ്രവർത്തനം ഏകോപിപ്പിക്കുന്നു

ദമ്മാം: സൗദി അറേബ്യയുടെ സമഗ്ര പരിവർത്തന പദ്ധതിയായ 'വിഷൻ 2030'​െൻറ ഭാഗമായി സൗദിയിലെ വ്യവസായിക വളർച്ച സംരംഭങ്ങൾക്ക്​ ഉത്തേജനമേകി ദമ്മാം കിങ്​​ അബ്​ദുൽ അസീസ്​ തുറമുഖത്തിൽ ക​െണ്ടയ്​നർ ടെർമിനലുകളുടെ പ്രവർത്തനങ്ങൾ ഏകോപിപ്പിക്കുന്നു. സൗദി ​​േഗ്ലാബൽ പോർട്​സ്​ കമ്പനിയാണ് (എസ്​.ജി.പി)​​ ക​െണ്ടയ്​നർ ടെർമിനലുകളുടെ പ്രവർത്തനം ഏകോപിപ്പിക്കുന്നതിനുള്ള നടപടികൾ ആരംഭിച്ചത്​.

ഇൗ വർഷം ഏ​പ്രിൽ 13ന്​ സൗദി പോർട്​സ്​ അതോറിറ്റിയുമായി 30​ വർഷത്തേക്ക്​ നിർമാണം, നടത്തിപ്പ്​, ഗതാഗതം എന്നിവ സംബന്ധിച്ച കരാർ ഒപ്പിട്ടതിനെ തുടർന്നാണ്​ എസ്.ജി.പി ഏകോപന ചുമതല ഇൗ മാസം ഒന്ന്​ മുതൽ ഏറ്റെടുത്തത്​. രാജ്യത്തി​െൻറ തുറമുഖങ്ങളെ ശക്തിപ്പെടുത്തുന്നതിന്​ സുപ്രധാന സംരംഭങ്ങളും നിക്ഷേപങ്ങളും ഉപയോഗപ്പെടുത്തുകയെന്ന ലക്ഷ്യമാണ്​​ കരാറിന്​ പിന്നിൽ. അന്താരാഷ്​ട്ര ചരക്കു നീക്കങ്ങളുടെ സുപ്രധാന ഇടമായി സൗദിയുടെ തുറമുഖങ്ങളെ മാറ്റിയെടുക്കുന്നതിലുള്ള ആദ്യ ചുവടുവെപ്പുകൂടിയാണിത്​. നിലവിലെ അസാധാരണ സാഹചര്യത്തിലും ​ ൈധര്യസമേതം മുന്നോട്ടു​ വരുകയും തുറമുഖത്തി​െൻറ പ്രവർത്തന നിയന്ത്രണങ്ങൾ ഏറ്റെടുക്കുകയും ചെയ്​ത എസ്.പി.ജിയുടെ നടപടി അഭിനന്ദനാർഹമാ​െണന്ന്​ സൗദി പോർട്ട്​ അതോറിറ്റി ചെയർമാനും ഗതാഗത മന്ത്രിയുമായ സാലിഹ്​ ബിൻ നാസർ അൽജാസർ പറഞ്ഞു. എസ്​.പി.ജി ഏറ്റെടുത്തതോടെ തുറമുഖ പ്രവർത്തനങ്ങളെ അന്താരാഷ്​ട്ര നിലവാരത്തിലേക്ക്​ ഉയർത്തുന്നതിനുള്ള നടപടികൾ ആരംഭിച്ചുകഴിഞ്ഞു. പ്രവർത്തനങ്ങൾ സുഗമമാക്കുന്നതിനുള്ള 200ഒാളം പുതിയ ഉപകരണങ്ങളാണ്​ വാങ്ങിയിട്ടുള്ളത്​. പരിസ്ഥിതി സൗഹൃദവും നൂതനവുമായ സംവിധാനങ്ങളിലൂ​െട ഉപഭോക്തൃ സേവന നിലവാരവും ഇനിമുതൽ തുറമുഖത്ത്​ മികച്ച നിലവാരത്തിലെത്തും. ഇതിലൂടെ രണ്ട്​ ക​െണ്ടയ്​നർ ടെർമിനലുകളുടേയും പ്രവർത്തനം ഒരു മെഗാ ക​െണ്ടയ്​നർ ടെർമിനലിലേക്ക്​ ഏകോപിപ്പിക്കും.

ഇത് ആഗോളതലത്തിൽ മത്സരിക്കാൻ തുറമുഖത്തിന്​ പ്രാപ്​തി നൽകും.വിപുലീകരണ ജോലികൾ‌ പൂർ‌ത്തിയാകുമ്പോൾ‌, വാർ‌ഷിക കണ്ടെയ്നർ പ്രവർത്തനങ്ങൾ‌ കൈകാര്യം ചെയ്യാനുള്ള ശേഷി ഏകദേശം 7.5 ദശലക്ഷം യൂനിറ്റായി വർധിക്കും.സൗദി അറേബ്യയിലെ പൊതു -സ്വകാര്യ പങ്കാളിത്തത്തിൽ നടത്തുന്ന ഏറ്റവും വലിയ തുറമുഖ നിക്ഷേപമായി എസ്‌.ജി.‌പിയുടെ നിക്ഷേപം മാറുകയും ചെയ്യും. സൗദിയുടെ പുതിയമാറ്റത്തി​െൻറ വിപ്ലവകരമായ ചരിത്രംകൂടിയാണ്​ അതിപ്രധാന തുറമുഖ മേഖലയിലെ പൊതു -സ്വകാര്യ പങ്കാളിത്തം.