കോൺസുലേറ്റ്​ സംഘം ജീസാൻ സന്ദർശിച്ചു

ജീസാൻ: ജിദ്ദ ഇന്ത്യൻ കോൺസുലേറ്റ് സംഘവും പാസ്പോർട്ട് സേവനങ്ങൾക്കുള്ള പുറം കരാർ ഏജൻസിയായ വി.എഫ്.എസ് ഗ്ലോബലും ജീ സാനിൽ സന്ദർശനം നടത്തി. പാസ്പോർട്ട്​ സേവനങ്ങൾക്കുള്ള അപേക്ഷ പൂർണമായും ഓൺലൈനായതിന്​ ശേഷമുള്ള ആദ്യത്തെ സന്ദർശമ ായിരുന്നു. അപേക്ഷകരെ സഹായിക്കാൻ ജീസാൻ പ്രവാസി കോഒാഡിനേഷൻ കമ്മിറ്റിയുടെ നേതൃത്വത്തിൽ എല്ലാവിധ സജ്ജീകരണങ്ങളും ഏർപ്പെടുത്തിയിരുന്നു. ഹോട്ടൽ അദ്നാനിൽ രാവിലെ ഏഴിന്​ ഹെൽപ്​ ഡെസ്​കി​​െൻറ പ്രവർത്തനം ആരംഭിച്ചു. ഒാൺലൈനിൽ അപേക്ഷ പൂരിപ്പാക്കാനും അതി​​െൻറ പ്രിൻറൗട്ട്​ എടുക്കാനും വിവിധ സാമൂഹിക സംഘടനകളുടെ നേതൃത്വത്തിൽ 20ഒാളം കമ്പ്യൂട്ടറുകൾ സജ്ജീകരിച്ചിരുന്നു.

കെ.എം.സി.സി, തനിമ, ഐ.സി.എഫ്, ജല, ഒ.ഐ.സി.സി എന്നീ സംഘടനകളുടെ 40ലേറെ വളണ്ടിയർമാർ മുഴുവൻ സമയവും പ്രവർത്തനനിരതരായി. ജീസാൻ പ്രവാസി കോഒാഡിനേഷൻ കമ്മിറ്റി ചെയർമാൻ ഷംസു പൂക്കോട്ടൂരി​െൻറ നേതൃത്വത്തിൽ എം. താഹ, മുബാറക് സാനി, ഫിറോസ് മൻസൂർ, യൂസുഫ് കുറ്റാളൂർ, മുഹമ്മദ് സ്വാലിഹ്, താഹ, മോഹനൻ, ഖാലിദ് പടന്ന, ഹമീദ് സംതാ എന്നിവരാണ്​ സേവന സന്നദ്ധരായി രംഗത്തുണ്ടായിരുന്നത്​. കോഒാഡിനേഷൻ കമ്മറ്റിയുടെ സേവന പ്രവർത്തനങ്ങളിൽ കോൺസുലർ ജനറൽ ജഗ്്മോഹൻ സിങ് മതിപ്പ് പ്രകടിപ്പിക്കുകയും വളണ്ടിയർമാരെ അഭിനന്ദിക്കുകയും ചെയ്തു. ഇതര പ്രവിശ്യകളിലെ സന്നദ്ധ പ്രവർത്തർക്ക്​ ഇത്​ മാതൃകാപരമാണെന്നും അദ്ദേഹം പറഞ്ഞു. രാവിലെ എട്ട്​ മുതൽ വൈകീട്ട് അഞ്ച്​ വരെയായിരുന്നു കോൺസുലേറ്റി​െൻറ സേവനം ഉണ്ടായിരുന്നത്. പാസ്പോർട്ട്​ സംബന്ധമായ സേവനങ്ങൾക്ക്​ 368 അപേക്ഷയും അറ്റസ്​റ്റേഷന്​ വേണ്ടി 52 അപേക്ഷകളും ലഭിച്ചു. മെയ് മൂന്നിനാണ് അടുത്ത സന്ദർശനം.