അടുത്തയാഴ്​ച മുതൽ വേനലിന്​ കാഠിന്യമേറും

ജിദ്ദ: സൗദി അറേബ്യയിൽ അടുത്തയാഴ്​ച മുതൽ വേനലിന്​ കാഠിന്യമേറും. അന്തരീക്ഷ താപനില ചില നഗരങ്ങളിൽ 50 ഡിഗ്രിക്കും മുകളിലെത്താനും സാധ്യതയുണ്ട്​. ഇൗ വർഷത്തെ ഏറ്റവും ഉയർന്ന ചൂടാകും അടുത്തയാഴ്​ച ഉണ്ടാകുകയെന്ന കാലാവസ്​ഥ നിരീക്ഷകൻ അബ്​ദുൽ അസീസ്​ അൽഹുസൈനി ചൂണ്ടിക്കാട്ടി. 

ഇൗത്തപ്പഴം പാകമാകുന്ന ഇൗ കാലത്തെ തബ്ബഖ്​ അൽതമർ എന്നാണ്​ പ്ര​ാദേശികമായി പറയുന്നത്​. ജൂലൈ 15 മുതൽ ആഗസ്​റ്റ്​ 15 വരെയാണ്​ ഇൗ കാലം നീണ്ടുനിൽക്കുക. ​ദൈർഘ്യമേറിയ പകലുകളും ചുരുങ്ങിയ രാത്രികളുമാണ്​ ഇൗ ദിവസങ്ങളുടെ പ്രത്യേകത. പൊടിക്കാറ്റിനൊപ്പമാകും ചൂടും ഉയരുക.
കിഴക്കൻ തീരപ്രദേശങ്ങളിൽ മൃദുവായ കടൽക്കാറ്റിൽ താപനില 42 ഡിഗ്രി വരെ എത്താം. എന്നാൽ കിഴക്കൻ മേഖലമുതൽ റിയാദ്​ വരെയുള്ള പ്രദേശത്താകും ഏറ്റവും ഉയർന്ന ചൂട്​ അനുഭവപ്പെടുക. ഇവിടങ്ങളിൽ 50 ഡിഗ്രി വരെ പ്രതീക്ഷിക്കാം. റിയാദ്​, അൽഖസീം, അൽഖർജ്​ എന്നിവിടങ്ങളിൽ ശരാശി 48 ഡിഗ്രി വരെ പതിവാകും. ഹഫർ അൽബാതിൻ, അൽ അഹ്​സ മേഖലയിൽ 50 ഡിഗ്രിയോട്​ അടുക്കും. 

അൽജൗഫിൽ പ്രവിശ്യയിൽ 46-47 ഡിഗ്രിയാകും സാമാന്യ നില. ബാക്കി നഗരങ്ങളിലും പ്രദേശങ്ങളിലും 40^45 ഡിഗ്രി വരെ താപനില ഉണ്ടാകുമെന്നും അദ്ദേഹം കൂട്ടിച്ചേർത്തു. പകൽ സമയത്ത്​ പുറത്ത്​ ഇറങ്ങുന്നതിൽ സൂക്ഷ്​മത വേണമെന്നും അൽഹുസൈനി സൂചിപ്പിച്ചു. പ്രത്യേകിച്ച്​ രാവിലെ 10 മണി മുതൽ വൈകിട്ട്​ നാലുവരെ. കൃത്യമായി മുൻകരുതൽ എടുത്ത ശേഷ​േമ ഇൗ സമയത്ത്​ പുറത്തിറങ്ങാവൂ. കൂടുതലായി വെള്ളം കുടിക്കണം. കുട്ടികളെ പുറത്തുവിടാൻ പാടില്ല. ആൾതിരക്കേറിയ ഇടങ്ങളിൽ നിന്ന്​ പരമാവധി ഒഴിഞ്ഞുനിൽക്കണമെന്നും അദ്ദേഹം പറഞ്ഞു.