ഗൾഫ് രാജ്യങ്ങളുടെ സുരക്ഷക്ക്​ അചഞ്ചല പിന്തുണ -ചൈനീസ്​ പ്രസിഡൻറ്​

ജിദ്ദ: ഗൾഫ് രാജ്യങ്ങളുടെ സുരക്ഷയ്ക്കായി ഞങ്ങൾ അചഞ്ചലമായ പിന്തുണ തുടരുമെന്ന്​ ചൈനീസ് പ്രസിഡൻറ്​ ഷി ജിൻപിങ്​ പറഞ്ഞു. 'ഗൾഫ്-​ചൈനീസ്​' ഉച്ചകോടിയിൽ നടത്തിയ പ്രസംഗത്തിലാണ്​ ഇക്കാര്യം പറഞ്ഞത്​. ഗൾഫ് രാജ്യങ്ങളിൽ നിന്ന് വലിയ അളവിൽ എണ്ണ ഇറക്കുമതി ചെയ്യുന്നത് തുടരും. ആഗോള വെല്ലുവിളികളെ അതിജീവിക്കുന്നതിൽ ഗൾഫ് സഹകരണ കൗൺസിൽ വിജയിച്ചു.

ഗൾഫ് രാജ്യങ്ങൾക്കും ചൈനയ്ക്കും സാമ്പത്തികവും വ്യാവസായികവുമായ ഏകീകരണം കൈവരിക്കാൻ കഴിയുമെന്ന് ചൈനീസ്​ പ്രസിഡൻറ്​ ചൂണ്ടിക്കാട്ടി. മറ്റ് രാജ്യങ്ങളുടെ കാര്യങ്ങളിൽ ഇടപെടരുത് എന്ന തത്വം കൈവരിക്കാൻ ഞങ്ങൾ ഒരുമിച്ച് പ്രവർത്തിക്കുന്നു. പ്രഥമ ചൈനീസ്-ഗൾഫ് ഉച്ചകോടിക്ക് ആതിഥേയത്വം വഹിക്കാനുള്ള സൗദി അറേബ്യയുടെ ശ്രമങ്ങളെ ചൈനീസ്​ പ്രസിഡൻറ്​ പ്രശംസിച്ചു.