അൽയാസ്മിൻ സ്കൂളിൽ ശിശുദിനാഘോഷം

റിയാദ്: അൽ യാസ്മിൻ സ്കൂളിൽ ശിശുദിനത്തോടനുബന്ധിച്ച് ആകർഷകമായ പരിപാടികൾ സംഘടിപ്പിച്ചു. കെ.ജി, പ്രൈമറി, ബോയ്സ്, ഗേൾസ്, വിഭാഗങ്ങൾക്ക് സംയുക്തമായാണ് ആഘോഷം നടന്നത്. സ്കൂളിൽ പ്രത്യേക അസംബ്ലി ഒരുക്കി. പാട്ടും ഡാൻസും ഫാൻസി ഡ്രസ്, പ്രസംഗം തുടങ്ങിയ പരിപാടികളെല്ലാം ആകർഷകമായി.

ചാച്ചാജിയുടെ വേഷത്തിൽ കുട്ടികളും അണിഞ്ഞൊരുങ്ങി. അൽ യാസ്മിൻ കോംപ്ലക്സ് മാനേജർ അബ്ദുൽ ഇലാഹ് അൽ മൊയ്‌ന, മുദീറ ഹാദിയ, ഫാത്തിമ, ബതൂൽ, സൈനബ് (പി.ആർ.ഒ), ബോയ്സ് വിഭാഗം ഹെഡ്മാസ്റ്റർ അബ്ദുൽ റഷീദ്, മുഹമ്മദ്‌ അൽത്താഫ്, പ്രിൻസിപ്പൽ ഇൻചാർജ് ആൻഡ്‌ സി.ഒ.ഇ സുബി ഷാഹിർ, ഗേൾസ് വിഭാഗം ഹെഡ്മിസ്ട്രസ് നിഖത്ത് അഞ്ജും, കെ.ജി. ഹെഡ്മിസ്ട്രസ് റിഹാന അംജത്, റഹീന ലത്തീഫ് എന്നിവർ പങ്കെടുത്തു.