ചെക്​പോയിൻറ്​ ആക്രമണം; പ്രതി വെടിയേറ്റ്​ മരിച്ചു

ജിദ്ദ: ആഴ്​ചകൾക്ക്​ മുമ്പ്​ തെക്കൻ സൗദിയിൽ ചെക്​പോയിൻറ്​ ആക്രമിച്ച സംഭവത്തിലെ പ്രതി സുരക്ഷാസേനയുടെ വെടിയേറ്റ്​ മരിച്ചു. 
നാലുസുരക്ഷ ഉദ്യോഗസ്​ഥർ കൊല്ലപ്പെട്ട ആക്രമണത്തിന്​ ശേഷം രക്ഷപ്പെട്ട സംഘത്തിലെ രണ്ടുപേരെ പിന്നീട്​ പിടികൂടിയിരുന്നു. രക്ഷപ്പെടാനുള്ള ശ്രമത്തിനിടെ ഒരാൾ പൊലീസുമായുള്ള ഏറ്റുമുട്ടലിൽ കൊല്ലപ്പെടുകയും ചെയ്​തു.

ഇവർക്കൊപ്പമുണ്ടായിരുന്ന നാലാമനാണ്​ ഇപ്പോൾ കൊല്ലപ്പെട്ട ഖാലിദ്​ അശ്ശഹ്​രി. ശനിയാഴ്​ച രാത്രി നമാസ്​ മേഖലയിലെ അൽഉഹ്​ദ ഗ്രാമത്തിലാണ്​ ഇയാളെ പൊലീസ്​ വളഞ്ഞത്​. കീഴടങ്ങാൻ ആവശ്യപ്പെ​െട്ടങ്കിലും കൂട്ടാക്കിയില്ല. തുടർന്നുണ്ടായ ഏറ്റുമുട്ടലിൽ ഇയാൾക്ക്​ ഗുരുതരമായി ​പരിക്കേറ്റു. പിന്നീട്​ ആശുപത്രിയിൽ വെച്ചായിരുന്നു മരണം.