ഇഖ്റഅ് ചാനൽ ഏഴ് ഭാഷകളിൽ കൂടി സംേപ്രഷണം ആരംഭിക്കും -മുഹമ്മദ് സല്ലാം 

ജിദ്ദ: ആദ്യകാല ഇസ്​ലാമിക ടെലിവിഷൻ ചാനലുകളിൽ ഒന്നായ ഇഖ്റഅ് ഏഴ് പ്രമുഖ ഭാഷകളിൽ പുതുതായി സംേപ്രഷണം ആരംഭിക്കുമെന്ന് ചാനൽ മുഖ്യ സാരഥി മുഹമ്മദ് അഹമ്മദ് സല്ലാം. ജിദ്ദയിലെ ഇഖ്റഅ് ചാനൽ ആസ്​ഥാനം സന്ദർശിച്ച ജിദ്ദ ഇന്ത്യൻ മീഡിയ ഫോറം പ്രവർത്തകരോട് സംസാരിക്കുകയായിരുന്നു അദ്ദഹേം. ഇഖ്റഅ് ഒരു സമ്പൂർണ ഇസ്​ലാമിക ചാനലാണെന്നും ലോകത്തിലെ മൂന്ന് പ്രധാന നഗരങ്ങളിൽ അതിന് എല്ലാവിധ സൗകര്യങ്ങളോടും കൂടിയ സ്​റ്റുഡിയോകൾ ഉണ്ടെന്നും അദ്ദേഹം പറഞ്ഞു.

ഹജ്ജ് മുഴുസമയ പ്രക്ഷേപണം ഉൾപ്പടെ നിരവധി പരിപാടികൾ ഇഖ്റഇ​​​െൻറ പ്രത്യേകതയാണ്​.  ഇസ്​ലാമിനും മുസ്​ലിംങ്ങൾക്കും നേരെയുള്ള ബൗദ്ധിക ആക്രമണം വർധിക്കുന്ന സാഹചര്യത്തിലാണ്​ ഇസ്​ലാമിനെ യഥാവിധം പരിചയപ്പെടുത്തുക എന്ന ലക്ഷ്യത്തോടെ ഏഴ് ഭാഷകളിൽ ചാനൽ ആരംഭിക്കുന്നത്​. ഇംഗ്ലീഷ്, ഉർദു, ഫ്രഞ്ച് എന്നിവയാണ് മുൻഗണനാപട്ടികയിൽ ആദ്യമുള്ളത്​. 

ഇന്ത്യ ഉൾപ്പടെ വിവിധ രാജ്യങ്ങളിൽ ഉർദു വ്യാപകമായി ഉപയോഗിക്കുന്നത്കൊണ്ടാണ് ആ ഭാഷയിൽ ചാനൽ തുടങ്ങാൻ മുൻഗണ നൽകുന്നതെന്ന് അദ്ദഹേം പറഞ്ഞു.  മീഡിയ ഫോറം പ്രവർത്തകരെ ചാനൽ പബ്ലിക് റിലേഷൻ മാനേജർ ഹസൻ അൽ അത്താസ്​, മെയിൻറനൻസ്​ മാനേജർ എൻജി. മുഹമ്മദ് ഹെൽമി, മീഡിയ സ​​െൻറർ ഡയറക്ടർ നിസാർ അൽ അലി എന്നിവർ ചേർന്ന് സ്വീകരിച്ചു. പ്രസിഡൻറ്​ ഹസ്സൻ ചെറൂപ്പ, ട്രഷറർ ജലീൽ കണ്ണമംഗലം, പി.എം. മായിൻകുട്ടി, കെ.ടി.എ മുനീർ, സാദിഖലി തുവ്വൂർ, ഇബ്രാഹിം ശംനാട്, സി.കെ മൊറയൂർ, സുൽഫീക്കർ ഒതായി, കബീർ കൊണ്ടോട്ടി, സി.കെ ശാകിർ, ജിഹാദുദ്ദീൻ, ഹാഷിം കോഴിക്കോട്, മൻസൂർ എടക്കര എന്നിവരായിരുന്നു സംഘത്തിലുണ്ടായിരുന്നത്.