സി.എച്ച്. സെൻററിന് ഫണ്ട് കൈമാറി

ജിദ്ദ: മലപ്പുറം മാറാക്കര സി.എച്ച് സെൻറർ പുതിയ കെട്ടിട സഹായത്തിനായി ജിദ്ദ ചാപ്റ്റർ സ്വരൂപിച്ച സംഖ്യ കൈമാറി. ആഗസ്​റ്റ്​ 15ന്​ മാറാക്കര സി.എച്ച് സെൻറര്‍ ഉദ്ഘാടന പരിപാടിയിൽ ജോയൻറ്​ കൺവീനർ മുകേഷ് പാങ്ങാട്ട് പ്രഫ. ആബിദ് ഹുസൈൻ തങ്ങൾ എം.എൽ.എക്ക് ഫണ്ട് കൈമാറി. മറ്റു ഭാരവാഹികളായ മുഹമ്മദ് റാഫി പനമ്പുലാക്കൽ, റഫീഖ് കല്ലൻ, ശിഹാബ് നെടുവഞ്ചേരി, ജമാൽ മാട്ടിൽ തുടങ്ങിയവരും പരിപാടിയിൽ സംബന്ധിച്ചു. പ്രതിമാസ ഗോൾഡ് കോയിൻ നറുക്കെടുപ്പ് പദ്ധതിയിലൂടെയും പ്രവാസികളിൽനിന്ന് സംഭാവന സ്വീകരിച്ചുമാണ് തുക സമാഹരിച്ചതെന്ന് ഭാരവാഹികൾ അറിയിച്ചു.