ലുലുവിൽ ആഘോഷമായി സൂപ്പർ ഫ്രൈഡേ ഡീൽ

റിയാദ്​: സൗദി അറേബ്യയിലെ ലുലു ഹൈപർമാർക്കറ്റുകളിൽ ആഘോഷമായി സൂപ്പർ ഫ്രൈഡേ ഡീൽ. ഈ മാസം 22ന്​ ആരംഭിച്ച പ്രമോഷൻ തിങ്കളാഴ്​ച വരെ തുടരും. രാജ്യത്തെ മുഴുവൻ ലുലു ഔട്ട്​ലെറ്റുകളിലും ഉപഭോക്താക്കൾക്ക്​ ഏറ്റവും മികച്ച ഷോപ്പിങ്​ ഡീലുകളാണ്​ ഈ മേളയിൽ ലഭിക്കുന്നത്​. റിയാദിലെ യർമൂഖിലുള്ള ലുലു ഹൈപ്പർമാർക്കറ്റിൽ പ്രശസ്​ത സൗദി സോഷ്യൽ മീഡിയ ഇൻഫ്ലുവൻസർ അബ്​ദുല്ല അൽ സബെ സൂപ്പർ ഫ്രൈഡേ ഡീൽ മേള ഉദ്​ഘാടനം ചെയ്​തു. 60 ലക്ഷത്തിലധികം ഫോളോവർമാരുള്ള അദ്ദേഹം ഉപഭോക്താക്കളുമായി മേളയിലുടനീളം സംവദിക്കും.

ഇലക്‌ട്രോണിക്‌സ്, ലാപ്‌ടോപ്പുകൾ, ഗെയിമുകൾ, ടേബിളുകൾ, വീട്ടുപകരണങ്ങൾ, മൊബൈൽ ഫോണുകൾ, ഫാഷൻ, ഗ്രോസറി, ഫ്രഷ് ഫുഡ് ഉൽപ്പന്നങ്ങൾ എന്നിങ്ങനെ എല്ലാ സാധനങ്ങൾക്കും വിലക്കിഴിവ്​, ബിഗ് ബാംഗ് പ്രത്യേക നിരക്കിളവുകൾ, മണിക്കൂർ ഇടവേളകളിൽ മാറിമറിയുന്ന ഓഫറുകൾ, മിന്നൽ വിൽപന മേള തുടങ്ങിയവും പ്രമോഷ​ൻ മേളയുടെ ഭാഗമാണ്​. സൂപ്പർ സെയിൽ കാലയളവിൽ, ഉപഭോക്താക്കൾക്ക്​ സൗജന്യ ഡെലിവറി, ഇലക്​ട്രോണിക്​ ഉപകരണങ്ങളുടെ സൗജന്യ ഇൻസ്​റ്റലേഷൻ, സ്​റ്റോറിലും ഓൺലൈനിലും ഇലക്ട്രോണിക്സ് ഉൽപന്നങ്ങൾക്ക്​ വിപുലീകൃത വാറൻറി എന്നിവയും മേളയുടെ ഭാഗമായി പ്രതീക്ഷിക്കാം.

കുട്ടികളുടെ ഉപകരണങ്ങളിലും പാക്കേജുകളിലും പ്രത്യേക ഡീലാണുള്ളത്​. സ്‌മാർട്ട് ടിവികൾ ഏറ്റവും വിലക്കുറവിൽ വാങ്ങാനുള്ള മധുര ഇടപാടുകളുമുണ്ട്​. ഏതാണ്ട്​ എല്ലാ വിഭാഗങ്ങളിലും 70 ശതമാനം വരെ വിലക്കുറവുണ്ട്​ ഈ മേളയിൽ. എല്ലാ ലുലു സ്​റ്റോറുകളിലും ലുലു ഓൺലൈൻ ഷോപ്പിങ്​ പോർട്ടലായ www.luluhypermarket.com, ലുലു ഷോപ്പിങ് ആപ്പ് എന്നിവയിലും ഓഫറുകൾ ലഭ്യമാണ്​.