ഹറമിൽ കാർപ്പറ്റ്​ ഇൻഷുറൻസ്​ ഏർപ്പെടുത്തി

​മദീന: മസ്​ജിദുന്നബവിയിലെ കാർപ്പറ്റുകൾക്ക്​​ ഇൻഷുറൻസ് ഏർപ്പെടുത്തി. ഇത്​ സംബന്ധിച്ച​ കരാറിൽ ഇരുഹറം കാര്യാല യ മേധാവി ഡോ. അബ്​ദുറഹ്​മാൻ അൽസുദൈസ്​ ഒപ്പുവെച്ചു. മസ്​ജിദുന്നബവി കാര്യ അണ്ടർ സെക്രട്ടറി ശൈഖ്​ മുഹമ്മദ്​ ബിൻ അഹ്​മദ്​ അൽഖുദൈരിയുടെ സാന്നിധ്യത്തിലായിരുന്നു ചടങ്ങ്​. റമദാൻ പ്രമാണിച്ച്​ 20,700 കാർപറ്റുകളാണ്​ മസ്​ജിദുന്നബവിയിൽ പുതുതായി എത്തിച്ചത്​.

ഇൗ കാർപ്പറ്റുകൾക്കാണ്​ നാല്​ മുതൽ അഞ്ച്​ വരെ വർഷം വരെ ഇൻഷുറൻസ്​ പരിരക്ഷ ഉറപ്പാക്കിയത്​. പച്ച നിറത്തിലെ കാർപ്പറ്റ്​ ഉയർന്ന നിലവാരമുള്ളതും സൗദിയിൽ നിർമിച്ചതുമാണ്​. എല്ലാ കാർപ്പറ്റിലും ഇലക്​ട്രോണിക്​ ചിപ്പ്​ ഘടിപ്പിച്ചിട്ടുണ്ട്​. നിർമാണ്​ തീയതിയും മറ്റും വിവരങ്ങളും ഇതിലൂടെ അറിയാൻ സാധിക്കും​.