ഹൃദ്രോഗ നിർണയ ക്യാമ്പ്

ജിദ്ദ: നവോദയ ബവാദി ഏരിയ കമ്മിറ്റിയും അൽമാസ് ഐഡിയൽ മെഡിക്കൽ സെന്ററുമായി സഹകരിച്ച് 'ഹൃദയതാളം ജീവതാളം' ഹൃദ്രോഗ നിർണയ ക്യാമ്പ് നടത്തി. ജിദ്ദ നവോദയ രക്ഷാധികാരി ഷിബു തിരുവനന്തപുരം മെഡിക്കൽ ക്യാമ്പ് ഉദ്ഘാടനം ചെയ്തു. ഏരിയ പ്രസിഡൻറ് സക്കീർ ഹുസൈന്റെ അധ്യക്ഷതയിൽ ഏരിയ ജീവകാരുണ്യ കൺവീനർ ഇർഷാദ് മുണ്ടക്കയം സ്വാഗതവും ഏരിയ സെക്രട്ടറി റഫീഖ് മമ്പാട് നന്ദിയും പറഞ്ഞു. നവോദയ ജനറൽ സെക്രട്ടറി ശ്രീകുമാർ മാവേലിക്കര, നവോദയ പ്രസിഡൻറ് കിസ്മത്ത് മമ്പാട്, അൽമാസ് മാസ് ഐഡിയൽ മെഡിക്കൽ സെൻറർ മാനേജർ ആസിഫ് അലി, അയ്യൂബ് മാഷ്, കെ.വി. മെയ്യദിൻ, വനിത വേദി കൺവീനർ നിഷാ നൗഫൽ, ആരോഗ്യ വേദി കൺവീനർ ടിറ്റോ മീരാൻ എന്നിവർ സംസാരിച്ചു.