വാഹനാപകട ഇൻഷുറൻസ്: 'നജും​'​ സംഘത്തിന് ഇനി കാമറയും

ജിദ്ദ: സൗദി അറേബ്യയിൽ വാഹനാപകടങ്ങളുണ്ടാവുമ്പോൾ സംഭവസ്ഥലത്ത് എത്തി ഇൻഷുറൻസിന് ആവശ്യമായ റിപ്പോർട്ട് തയാറാക്കുന്ന 'നജും' സംഘത്തിന്റെ​ കൈവശം ഇനി കാമറകളുമുണ്ടാവും.​ 'ബോഡി കാം' ആയി സംഘത്തിന്റെ വസ്ത്രത്തിലാണ് കാമറകൾ ഘടിപ്പിക്കുക.​

അപകടത്തിന്റെ ദൃശ്യങ്ങളെടുത്ത് രേഖപ്പെടുത്താനാണ് ഇത്. ഈ കാമറകൾ അപകട കാഴ്​ചകൾ നേരിട്ട്​ പകർത്തും. നജും സേവനത്തിന്റെ നിലവാരം ഉയർത്തുന്നതിനും അപകടത്തിലുൾപ്പടുന്ന എല്ലാ കക്ഷികളുടെയും അവകാശങ്ങൾ സംരക്ഷിക്കുന്നതിനുമാണ്​ കാമറ സംവിധാനം​ ഏർപ്പെടുത്തിയിരിക്കുന്നത്​.