അൽജൗഫിലെ പാറകളിൽ ഒട്ടകരൂപങ്ങൾ; വിസ്​മയിച്ച്​ ശാസ്ത്രലോകം

ജിദ്ദ: വടക്കൻ സൗദിയിലെ അൽജൗഫ്​ മരുഭൂമി​യുടെ വിജനതയിൽ ഒട്ടകരൂപം കൊത്തിയ പാറക്കെട്ടുകൾ കണ്ട്​ വിസ്​മയിക്കുകയാണ്​ ശാസ്​ത്രലോകം. ഹാഇലിലും തെക്കൻ സൗദിയിലും മറ്റും പാറകളിൽ ചിത്രപ്പണികൾ കണ്ടെത്തിയിട്ടുണ്ടെങ്കിലും അറേബ്യയിൽ ആദ്യമായാണ്​ രൂപങ്ങൾ കൊത്തിയെടുത്തതായി കണ്ടെത്തിയിരിക്കുന്നത്​. 2,000 വർഷമെങ്കിലും പഴക്കമുള്ള പൂർണരൂപങ്ങളാണ്​ ഇവ. ജനവാസം അസാധ്യമായ, തീർത്തും ഒറ്റപ്പെട്ട ഇൗ പ്രദേശത്ത്​ ഇത്തരമൊരു കലാസൃഷ്​ടികൾ എന്തിനായിരുന്നുവെന്ന്​ അത്​ഭുതം കൂറുകയാണ്​ ഗവേഷകർ. ആരാധനാകേന്ദ്രമോ, അതിർത്തിക്കല്ലോ, ഒട്ടകസ്​മാരകമോ ആയിരിക്കാമെന്ന അഭിപ്രായങ്ങൾ ഉയരുന്നുണ്ട്​. സൗദി കമീഷൻ ഫോർ ടൂറിസം ആൻഡ്​ നാഷനൽ ഹെറിറ്റേജ​ും ഫ്രഞ്ച്​ നാഷനൽ സ​​​െൻറർ ഫോർ സയൻറിഫിക്​ റിസർച്ചും സംയുക്​തമായി നടത്തിയ ഗവേഷണങ്ങളിലാണ്​ അതിശയകരമായ നിർമിതികൾ കണ്ടെത്തിയത്​. ഫെ​ബ്രുവരി ഒമ്പതിന്​ കേംബ്രിഡ്​ജ്​ ജേണൽ ഒാഫ്​ ആൻറിക്വിറ്റി പുറത്തുവിട്ട ഇൗപഠനം പുരാവസ്​തുകലാരംഗത്ത്​ വലിയ ചർച്ചകൾക്ക്​ തുടക്കം കുറിച്ചിട്ടുണ്ട്​. പൂർണവലിപ്പത്തിലുള്ള 11 ഒട്ടകരൂപങ്ങളാണ്​ ഇതുവരെ കണ്ടെത്തിയത്​. അൽജൗഫിൽ ജോർഡൻ അതിർത്തിയോട്​ ചേർന്ന ഭാഗത്താണ്​ ഇവയുള്ളത്​. ഇൗ സ്​ഥലത്തിന്​ ‘ഒട്ടകസ്​ഥാനം’ എന്ന്​ നാമകരണം ചെയ്​തിട്ടുണ്ട്​. പാർഥിയൻ, നബതിയൻ സംസ്​കാരങ്ങളാൽ പ്ര​േചാദിതമായ പ്രാചീന അറബ്​ പാരമ്പര്യകലയുടെ പ്രകടനമാണ്​ ഒട്ടകരൂപങ്ങളെന്നാണ്​ കരുതുന്നത്​. തുർക്കി മുതൽ മെസ​പ്പെ​േട്ടാമിയ വരെയുള്ള മേഖലയിൽ ഇതിനുമുമ്പും ശിലാരൂപങ്ങൾ കണ്ടെത്തിയിട്ടുണ്ട്​.

പക്ഷേ, അറേബ്യയിൽ ഇതുവരെ ഇങ്ങനെ കലാരൂപം ഗവേഷകരുടെ ശ്രദ്ധയിൽപെട്ടിരുന്നില്ല. യുദ്ധരംഗങ്ങൾ, മൃഗവേട്ട, ജ്യാമിതീയ രൂപങ്ങൾ എന്നിവയും ചില മൃഗങ്ങളുടെ രൂപങ്ങളും ഉപഭൂഖണ്ഡത്തിലെ പാറകളിൽ നേരത്തെ വരച്ചുവെച്ചത്​ രേഖപ്പെടുത്തിയിട്ടുണ്ട്​. യുനെസ്​കോയുടെ പൈതൃകസ്​ഥാന പട്ടികയിൽ സൗദി അറേബ്യയി​ൽ നിന്നുള്ള നാലാമത്തെ സൈറ്റും ഹാഇലിലെ റോക് ​ആർട്​ ആണ്​. പക്ഷേ, പൂർണവലിപ്പത്തിലുള്ള ഒട്ടകരൂപങ്ങൾ കൂറ്റൻ പാറക്കെട്ടുകളിൽ അസാധാരണമായ പൂർണ​തയോടെ കൊത്തിയെടുത്തതാണ്​ അൽജൗഫിലേത്​. നൂറ്റാണ്ടുകളായി തുടരുന്ന അറേബ്യൻ കലാപഠനങ്ങളിലും ഏതാനും പതിറ്റാണ്ടുകൾക്ക്​ മുമ്പ്​ ആരംഭിച്ച സൗദി ദേശീയ പൈതൃകപഠനങ്ങളിലും നിർണായകസ്​ഥാനമാണ്​ ഇൗ കണ്ടുപിടിത്തത്തിനുള്ളത്​. പുരാവസ്​തുശാസ്​ത്രജ്​ഞരായ ഡോ. ഗ്വിലിയാമി ഷാർല്യൂ (ഫ്രഞ്ച്​ നാഷനൽ സ​​​െൻറർ ഫോർ സയൻറിഫിക്​ റിസർച്ച്​), ഹുസൈൻ അൽഖലീഫ, സാമിർ അൽമാലികി, റോമൈൻ മെൻസൻ എന്നിവരാണ്​ കണ്ടെത്തലിന്​ പിന്നിൽ പ്രവർത്തിച്ചത്​. പക്ഷേ, ഇൗ നിർമാണവുമായി ബന്ധപ്പെട്ട മറ്റുവസ്​തുക്കളൊന്നും പ്രദേശത്ത്​ നടത്തിയ സൂക്ഷ്​മ പരിശോധനകളിലും കണ്ടെത്താനായിട്ടില്ല. നിർമാണത്തിന്​ ഉപയോഗിച്ചിരിക്കാവുന്ന ചുറ്റികകളോ, ഉളികളോ അതി​​​​െൻറ ശേഷിപ്പുകളോ ഒന്നും ഇവിടെയില്ല. അഭ്രശിലാനിർമിതമായ ഉപകരണങ്ങളുടെ 50 ഒാളം ചെറുകഷണങ്ങൾ അടുത്തുനിന്ന്​ കിട്ടിയിട്ടുണ്ടെങ്കിലും ഒട്ടകരൂപ നിർമാണത്തിന്​ ഉപയോഗിച്ചതാകാമെന്നതിന്​ തെളിവില്ല. നിലവിൽ സ്വകാര്യവ്യക്​തിയുടെ ഉടമസ്​ഥതയിലുള്ള ഇൗ പ്രദേശത്തെ പാറകൾക്ക്​ ആധുനിക നിർമാണ പ്രവർത്തികൾ കൊണ്ട്​ കേടുപാടുകൾ സംഭവിച്ചിട്ടുണ്ട്​. ഇതുപൂർണമായും സംരക്ഷിച്ച്​ സമീപ പ്രദേശങ്ങളിലേക്ക്​ ഗവേഷണം വ്യാപിപ്പിക്കാനുള്ള ഒരുക്കത്തിലാണ്​ അധികൃതർ.