ഫിനിഷിങ്​ ലൈനിൽ ഒട്ടകത്തിന്​ അടിതെറ്റി; ഒന്നാംസ്​ഥാനം നഷ്​ടമായി

ജിദ്ദ: ത്വാഇഫിൽ നടക്കുന്ന കിരീടാവകാശിയുടെ പേരിലുള്ള ഒട്ടകമേളയിലെ ഒരു രംഗം സാമൂഹിക മാധ്യമങ്ങളിൽ വൈറലായി. എതിരാളികളെ ഏറെ പിന്നിലാക്കി ഒാടിയെത്തിയ ഒട്ടകത്തിന്​ ഫിനിഷ്​ ലൈനിന്​ തലനാരിഴ അകലെ വെച്ച്​ അടിതെറ്റി. 
അവിടെ വീണുപോയ ഒട്ടകം പലതവണ എണീക്കാൻ ശ്രമിച്ചെങ്കിലും കഴിഞ്ഞില്ല. അപ്പോഴേക്കും ഏറെ പിന്നിലുണ്ടായിരുന്ന രണ്ടാംസ്​ഥാനക്കാരൻ പാഞ്ഞെത്തി ഫിനിഷ്​ ലൈൻ കടന്നു. 
അടുത്ത സ്​ഥാനക്കാരനും മറികടന്ന്​ പോയ ശേഷമാണ്​ വീണുപോയ ഒട്ടകത്തിന്​ എണീക്കാനായത്​.