സൗദി കറൻസിയും നാണയങ്ങളും രൂപകൽപന ചെയ്​ത കാലിഗ്രാഫർ അബ്​ദുറസാഖ് ഖോജ അന്തരിച്ചു

ജിദ്ദ: സൗദി അറേബ്യയുടെ കറൻസി (റിയാൽ) ആദ്യമായി രൂപകൽപന ചെയ്​ത പ്രമുഖ കാലിഗ്രാഫർ അബ്​ദുറസാഖ് ഖോജ അന്തരിച്ചു. 95 വയസ്സായിരുന്നു. രാജ്യത്തി​ന്റെ കറൻസി നോട്ടുകളുടെയും നാണയങ്ങളുടെയും ഡിസൈൻ ആദ്യമായി വരച്ചുണ്ടാക്കിയ ചിത്രകാരനായിരുന്നു അബ്​ദുറസാഖ്​ ഖോജയെന്ന്​ ജിദ്ദ കൾച്ചർ ആൻറ്​ ആർട്​സ്​ അസോസിയേഷൻ പറഞ്ഞു.

സ്‌കൂൾ പഠനകാലം മുതൽ ഖോജ ത​െൻറ കഴിവുകൾ എഴുത്തിലും കാലിഗ്രാഫിയിലും ചെലവഴിച്ചു. ഹിജ്റ 1375ൽ സൗദി മോണിറ്ററി ഏജൻസിക്ക് വേണ്ടി കടലാസ്​, നാണയ കറൻസികൾ വരക്കാൻ തുടങ്ങി.

2019-ൽ മക്ക ഗവർണർ അമീർ ഖാലിദ്​ അൽഫൈസലിൽനിന്ന്​ അബ്​ദുറസാഖ്​ ഖോജ അറബിക്​ കാലിഗ്രാഫി അവാർഡ് സ്വീകരിക്കുന്നു

പത്രപ്രവർത്തനത്തിലും ഏർപ്പെട്ടിട്ടുണ്ട്​. അൽനദ്​വ, അൽബിലാദ് എന്നീ പ്രമുഖ​ പത്രങ്ങളുടെ​ തലക്കെട്ടുകൾ വരച്ചിരുന്നു. സൗദി മുൻ ഭരണാധികാരികളായ ഫൈസൽ രാജാവി​ന്റെയും ഖാലിദ് രാജാവി​ന്റെയും ഫഹദ് രാജാവി​ന്റെയും ഭരണകാലങ്ങളിലെല്ലാം കറൻസി ഡിസൈൻ നിർവഹിച്ചിട്ടുണ്ട്​​.

ജിദ്ദയിലെ രാജകീയ ചടങ്ങുകളിലും ചിത്രകാരനായി പ്രവർത്തിച്ചു. നിരവധി രാജ്യങ്ങളിലെ പ്രസിഡൻറുമാർ, രാഷ്​ട്ര നേതാക്കൾ, പ്രമുഖ ഉദ്യോഗസ്ഥർ എന്നിവർക്ക് സമ്മാനിച്ച സ്​കാർഫുകളും മെഡലുകളും ഒരുകാലത്ത്​ ഖോജ ഡിസൈൻ ചെയ്​തതായിരുന്നു. 2019-ൽ ‘കാലിഗ്രാഫി ഫ്രം ഔർ ഹെറിറ്റേജ്’ മത്സരത്തിൽ അറബിക് കാലിഗ്രാഫി അവാർഡ് നേടി.