ജി.​സി.​സി രാ​ജ്യ​ങ്ങ​ൾ ത​മ്മി​ലു​ള്ള അ​ന്താ​രാ​ഷ്ട്ര ക​ര ഗ​താ​ഗ​ത ഏ​കീ​കൃ​ത സം​വി​ധാ​ന​ത്തി​ന് മ​ന്ത്രി​സ​ഭ അം​ഗീ​കാ​രം

ജി​ദ്ദ: ജി.​സി.​സി രാ​ജ്യ​ങ്ങ​ൾ ത​മ്മി​ലെ അ​ന്താ​രാ​ഷ്ട്ര ക​ര ഗ​താ​ഗ​ത​ത്തി​നു​ള്ള ഏ​കീ​കൃ​ത സം​വി​ധാ​ന​ത്തി​ന് സൗ​ദി മ​ന്ത്രി​സ​ഭ അം​ഗീ​കാ​രം ന​ൽ​കി. ചൊ​വ്വാ​ഴ്​​ച സ​ൽ​മാ​ൻ രാ​ജാ​വി​​​ന്റെ അ​ധ്യ​ക്ഷ​ത​യി​ൽ ജി​ദ്ദ​യി​ൽ ന​ട​ന്ന മ​ന്ത്രി​സ​ഭ യോ​ഗ​ത്തി​ലാ​ണ്​ അം​ഗീ​കാ​രം ന​ൽ​കി​യ​ത്. അ​ഖ​ബ ഉ​ൾ​ക്ക​ട​ലി​ൽ ഗ​താ​ഗ​ത സ​ഹ​ക​ര​ണ​ത്തി​നു​ള്ള ധാ​ര​ണ​പ​ത്ര​ത്തി​ന്റെ ക​ര​ട് ഒ​പ്പു​വെ​ക്കു​ന്ന​തി​ന്​ ഈ​ജി​പ്ഷ്യ​ൻ പ​ക്ഷ​വു​മാ​യി ച​ർ​ച്ച ചെ​യ്യാ​ൻ ഗ​താ​ഗ​ത, ലോ​ജി​സ്റ്റി​ക്‌​സ് മ​ന്ത്രി​യെ മ​ന്ത്രി​സ​ഭ ചു​മ​ത​ല​പ്പെ​ടു​ത്തി. നേ​രി​ട്ടു​ള്ള നി​ക്ഷേ​പം പ്രോ​ത്സാ​ഹി​പ്പി​ക്കാ​നു​ള്ള സ​ഹ​ക​ര​ണ​ത്തി​ന് ചൈ​ന​യി​ലെ ഹോ​ങ്കോ​ങ്​ പ്ര​ത്യേ​ക ഭ​ര​ണ​മേ​ഖ​ല​യു​ടെ ഗ​വ​ൺ​മെൻറു​മാ​യു​ള്ള ധാ​ര​ണ​പ​ത്ര​മു​ണ്ടാ​ക്കാ​നും സൗ​ദി​യി​ൽ സ്വി​സ് ബാ​ങ്ക് യു.​ബി.​എ​സ്. എ.​ജി ക്ക്​ ​ശാ​ഖ തു​റ​ക്കാ​ൻ ലൈ​സ​ൻ​സ് അ​നു​വ​ദി​ക്കാ​നും മ​ന്ത്രി​സ​ഭ അം​ഗീ​കാ​രം ​​​ന​ൽ​കി.

പ്രാ​ദേ​ശി​ക പ്ര​ശ്​​ന​ങ്ങ​ളും ആ​ഗോ​ള സം​ഭ​വ​വി​കാ​സ​ങ്ങ​ളു​മാ​യി ബ​ന്ധ​പ്പെ​ട്ട്​ സൗ​ദി​യും സ​ഹോ​ദ​ര സൗ​ഹൃ​ദ രാ​ജ്യ​ങ്ങ​ളു​മാ​യി ക​ഴി​ഞ്ഞ ദി​വ​സ​ങ്ങ​ളി​ൽ ന​ട​ന്ന ടെ​ലി​ഫോ​ൺ കാ​ളു​ക​ളും ച​ർ​ച്ച​ക​ളും സ​ൽ​മാ​ൻ രാ​ജാ​വ്​ വി​ല​യി​രു​ത്തി. മേ​ഖ​ല​യി​ലും ലോ​ക​ത്തും സു​ര​ക്ഷ​യും സ്ഥി​ര​ത​യും സ്ഥാ​പി​ക്കു​ന്ന​തി​നു​ള്ള സൗ​ദി​യു​ടെ ഉ​റ​ച്ച നി​ല​പാ​ടു​ക​ൾ മ​ന്ത്രി​സ​ഭ ഊ​ന്നി​പ്പ​റ​ഞ്ഞു.

ഗ​സ്സ​യി​ൽ സി​വി​ലി​യ​ൻ​മാ​ർ​ക്കെ​തി​രാ​യ ഇ​സ്രാ​യേ​ൽ ആ​ക്ര​മ​ണം ത​ട​യു​ന്ന​തി​നും ഫ​ല​സ്തീ​ൻ ജ​ന​ത​യു​ടെ സ്വ​യം നി​ർ​ണ​യാ​വ​കാ​ശ​ത്തെ പി​ന്തു​ണ​ക്കാ​നും 1967ലെ ​അ​തി​ർ​ത്തി​യി​ൽ കി​ഴ​ക്ക​ൻ ജ​റൂ​സ​ലം ത​ല​സ്ഥാ​ന​മാ​യി ഒ​രു രാ​ഷ്ട്രം സ്ഥാ​പി​ക്കാ​നു​ള്ള ഉ​ത്ത​ര​വാ​ദി​ത്ത​ങ്ങ​ൾ ഏ​റ്റെ​ടു​ക്കാ​ൻ അ​ന്താ​രാ​ഷ്ട്ര സ​മൂ​ഹ​ത്തോ​ടു​ള്ള സ്ഥി​ര​ആ​ഹ്വാ​നം മ​ന്ത്രി​സ​ഭ പു​തു​ക്കി. സാ​മ്പ​ത്തി​ക പ​രി​ഷ്​​കാ​ര​ങ്ങ​ളു​ടെ സം​സ്കാ​രം ആ​ഗോ​ള​ത​ല​ത്തി​ൽ പ്ര​ച​രി​പ്പി​ക്കു​ന്ന​തി​ന് ലോ​ക​ബാ​ങ്ക് സൗ​ദി​യി​ൽ ഒ​രു വി​ജ്ഞാ​ന കേ​ന്ദ്രം ആ​രം​ഭി​ക്കാ​ൻ തെ​ര​ഞ്ഞെ​ടു​ത്ത​തി​​നെ മ​ന്ത്രി​സ​ഭ വി​ല​യി​രു​ത്തി. ഭൂ​മി​യി​ലെ വി​ള്ള​ലു​ക​ൾ കാ​ര​ണം പ​ര​മ്പ​രാ​ഗ​ത കൃ​ഷി​യി​ട​ങ്ങ​ളും വീ​ടു​ക​ളും ഉ​പേ​ക്ഷി​ച്ച​തി​​ന്റെ ഫ​ല​മാ​യി ഹാ​ഇ​ൽ മേ​ഖ​ല​യി​ലെ ‘ത്വാ​ബ’ ഗ്രാ​മ​ത്തി​ലെ ദു​രി​ത​ബാ​ധി​ത​രാ​യ ആ​ളു​ക​ൾ​ക്ക് ര​ണ്ടു ല​ക്ഷം റി​യാ​ൽ അ​ല്ലെ​ങ്കി​ൽ അം​ഗീ​കൃ​ത സ​ർ​ക്കാ​ർ പ​ദ്ധ​തി​ക​ൾ​ക്കു​ള്ളി​ൽ താ​മ​സ​സ്ഥ​ലം ന​ഷ്​​ട​പ​രി​ഹാ​ര​മാ​യി ന​ൽ​കാ​നും മ​ന്ത്രി​സ​ഭ തീ​രു​മാ​നി​ച്ചു.