സി. മോയിൻകുട്ടിയെ അനുസ്​മരിച്ചു

ദമ്മാം: കഴിഞ്ഞദിവസം അന്തരിച്ച മുൻ എം.എൽ.എയും മുസ്​ലിംലീഗ് സംസ്ഥാന വൈസ് പ്രസിഡൻറുമായിരുന്ന സി. മോയിൻ കുട്ടിയുടെ വേർപാടിൽ കിഴക്കൻ പ്രവിശ്യ കെ.എം.സി.സി അനുശോചന സംഗമവും പ്രാർഥനാസദസ്സും സംഘടിപ്പിച്ചു. കർഷകർക്കും സാധാരണക്കാർക്കുമൊപ്പം സഞ്ചരിച്ച ലളിത ജീവിതം കൊണ്ട് മാതൃകയായ മഹദ്​വ്യക്തിത്വമായിരുന്നു സി. മോയിൻകുട്ടിയെന്ന്​ പ്രസംഗകർ പറഞ്ഞു.

താമരശ്ശേരി പഞ്ചായത്ത് പ്രസിഡൻറ്, കൊടുവള്ളി, തിരുവമ്പാടി നിയമസഭ സാമാജികൻ എന്നീ നിലകളിൽ ജനോപകാരപ്രദമായ ഒട്ടനവധി സേവനപ്രവർത്തനങ്ങൾ കോഴിക്കോട് ജില്ലയുടെ മലയോര മേഖലയിൽ കൊണ്ടുവന്നുവെന്ന് അനുശോചന പ്രഭാഷണം നടത്തിയ പ്രവിശ്യ കെ.എം.സി.സി സെക്രട്ടേറിയറ്റംഗം നാസർ അണ്ടോണ അനുസ്​മരിച്ചു.

ഭിന്നശേഷിക്കാർക്കായി പന്നിക്കോട് ലൗഷോറി​െൻറയും താമരശ്ശേരി സി.എച്ച് സെൻററി​െൻറയും പ്രവർത്തനങ്ങളിലൂടെ ജീവകാരുണ്യ രംഗത്തും നിറഞ്ഞുനിന്ന വ്യക്തിത്വമായിരുന്നു മോയിൻകുട്ടി എന്നും അദ്ദേഹം കൂട്ടിച്ചേർത്തു. പ്രവിശ്യ പ്രസിഡൻറ് മുഹമ്മദ് കുട്ടി കോഡൂർ അധ്യക്ഷത വഹിച്ചു. റഫീഖ് കൂട്ടിലങ്ങാടി, സുലൈമാൻ കൂലേരി, അഷ്​റഫ് ആളത്ത്, മാമു നിസാർ, ഖാദർ വാണിയമ്പലം, ഹമീദ് വടകര, സിദ്ദീഖ് പാണ്ടികശാല, മുഷ്​താഖ് പനങ്ങാട്, അഷ്റഫ് ഗസാൽ, റഹ്​മാൻ കാരയാട്, സിറാജ് ആലുവ, ബഷീർ ബാഖവി, മഹമൂദ് പൂക്കാട്, സാലിഹ് അണ്ടോണ എന്നിവർ സംസാരിച്ചു. ജനറൽ സെക്രട്ടറി ആലിക്കുട്ടി ഒളവട്ടൂർ സ്വാഗതവും ട്രഷറർ സി.പി. ശരീഫ് നന്ദിയും പറഞ്ഞു.