Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightSaudi Arabiachevron_rightബുർജ്​ ജിദ്ദ ഒന്നാം...

ബുർജ്​ ജിദ്ദ ഒന്നാം ഘട്ടം  രണ്ട്​ വർഷത്തിനകം പൂർത്തിയാകും

text_fields
bookmark_border
ബുർജ്​ ജിദ്ദ ഒന്നാം ഘട്ടം  രണ്ട്​ വർഷത്തിനകം പൂർത്തിയാകും
cancel

ജിദ്ദ: ജിദ്ദ ഇക്കണോമിക്​ കമ്പനിക്ക്​ കീഴിലെ ബുർജ്​ ജിദ്ദയുടെ ഒന്നാം ഘട്ടം രണ്ട്​ വർഷത്തിനകം പൂർത്തിയാകുമെന്ന്​ അമീർ വലീദ്​ ബിൻ ത്വലാൽ ബിൻ അബ്​ദുൽ അസീസ്​ പറഞ്ഞു. ടവർ സന്ദർശിച്ച ശേഷം ജിദ്ദയിൽ നടത്തിയ വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം.  ലോകത്തിലെ ഏറ്റവും ഉയരം കൂടിയ ടവറാണിതെന്ന്​ ​ അദ്ദേഹം പറഞ്ഞു. ബുർജ്​ ജിദ്ദക്ക്​ ഒരു കിലോമീറ്ററിലധികം നീളമുണ്ട്. 252 നിലകളുള്ള ബുർജിന്​ ഒരു ദശലക്ഷം ടൺ ഭാരമുണ്ടാകും.

 163 രാജ്യക്കാർ ഇതി​​​െൻറ നിർമാണ ജോലി ചെയ്യുന്നുണ്ട്​. ഒന്നാംഘട്ടം 2019 ൽ പൂർത്തിയാകും. ഒന്നാംഘട്ടം 15 ദശലക്ഷം ചതുരശ്രമീറ്റർ വരും. ഇതു രണ്ട്​ വർഷത്തിനു ശേഷം പൂർത്തിയാകും. മധ്യപൗരസ്​ത്യ ദേശത്തെ വളരെ പ്രധാനപ്പെട്ട പദ്ധതിയാണിത്​. ​ പദ്ധതിയെക്കുറിച്ച്​ ധാരണ നൽകാൻ മക്ക അമീറുമായി അടുത്താഴ്​ച കൂടിക്കാഴ്​ച നടത്തും.

ദുബൈയിൽ നിർമിക്കാൻ പോകുന്ന ബുർജാണ്​ ജിദ്ദയിലേതിനേക്കാൻ ഉയരം കൂടിയത്​ എന്ന വാർത്തകൾ അമീർ വലീദ്​ നി​ഷേധിച്ചു. നീളം കൊണ്ടും താമസ സൗകര്യം കൊണ്ടും ജിദ്ദ ബുർജാണ്​ നീളം കൂടിയത്​. 75000 മുതൽ ഒരു ലക്ഷം വരെ ആളുകളെ ഉൾക്കൊള്ളാൻ ജിദ്ദ ബുർജിന്​ ശേഷിയുണ്ടാവും. പദ്ധതിയുടെ മൊത്തം ചെലവ്​ 75 ബില്യൺ വരും. 30 ശതമാനം ജോലികൾ പൂർത്തിയായിട്ടുണ്ട്​.

പദ്ധതി എപ്പോൾ പൂർത്തിയാകും തുടങ്ങിയ കാര്യങ്ങൾ ആലോചിക്കാനായി നിർമാണം നടത്തുന്ന ബിൻലാദിൻ കമ്പനിയുമായി യോഗം ചേർന്നതായും അമീർ വലീദ്​ പറഞ്ഞു. സ്വദേശിക്കും വിദേശിക്കും ബുർജ് ഉപയോഗപ്പെടുത്താനാകും. വിഷൻ 2030 മുന്നിൽ കണ്ട്​ ടൂറിസ്​റ്റുകളെ ഉൾകൊള്ളാൻ പാകത്തിലാണ്​ ബുർജ്​ നിർമിക്കുന്നതെന്നും അമീർ വലീദ്​ ബിൻ ത്വലാൽ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:burj jiddah
News Summary - burj jiddah
Next Story