ഖസീം മേഖലയിൽ ശക്​തമായ മഴയും ആലിപ്പഴ വർഷവും

ഖസീം: ഖസീം മേഖലയിൽ ശക്​തമായ മഴയും ആലിപ്പഴ വർഷവും കാറ്റും. ബുറൈദ, റസ്​, ബു​ൈഖരിയ, നബ്​ഹാനിയ, അസ്​യാഹ്​, ഉയൂൻ അൽജവാഹ്​, ശമാസിയ, റിയാദ്​ അൽ ഖുബ്​റാഅ്​ എന്നിവിടങ്ങളിലും ചില കേന്ദ്രങ്ങളിലുമാണ്​ സമാന്യം നല്ല മഴ ലഭിച്ചത്​. പലയിടങ്ങളിൽ ആകാശം  കാർമേഘം മൂടിയിരുന്നു. ചില പ്രദേശങ്ങളിലെ താഴ്​വരകളിൽ വെള്ളക്കെട്ടുകളും ശക്​തമായ ഒഴുക്കുമുണ്ടായി. മേഖലയിൽ ഗതാഗത തടസ്സം അനുഭവപ്പെട്ടു. കടകളുടെ ബോർഡുകളും കല്ലുകളും വീണതിനെ തുടർന്നു നിരവധി കാറുകൾക്ക്​ കേടുപാട്​ പറ്റി. മഴയെ തുടർന്നുണ്ടായ വെള്ളക്കെട്ടിലും ചളിയിലും നിരവധി വാഹനങ്ങൾ കുടുങ്ങി. കാറ്റും ശക്​തമായിരുന്നു. മരങ്ങളും പരസ്യബോർഡുകളും മൊബൈൽ ടവറുകളും നിലംപൊത്തി. ഇതും ഗതാഗതത്തിന്​ തടസ്സമുണ്ടാക്കി. വീടുകളിലേക്ക്​ വെള്ളം കയറിയതിനാൽ 39 പേരടങ്ങുന്ന അഞ്ച്​ കുടുംബങ്ങളെ മാറ്റിത്താമസിപ്പിച്ചതായി റിപ്പോർട്ടുണ്ട്​. 

ധനകാര്യ ​മന്ത്രാലയ ബ്രാഞ്ച്​ ഒാഫീസുമായി സഹകരിച്ച്​ ഫർണിഷ്​ഡ്​ അപാർട്ടുമ​​െൻറുകളിലാണ്​ ഇവർക്ക്​ താമസമൊരുക്കിയിരിക്കുന്നത്​​. ശമാസിയയിൽ  ചുമർ ഇടിഞ്ഞു വീണു. ആർക്കും പരിക്കില്ല. സഹായം തേടി 350 ഒാളം കാളുകൾ സിവിൽ ഡിഫൻസ്​ കൺട്രോൾ റൂമിലെത്തിയതാണ്​ കണക്ക്​. ഇതിൽ 281 എണ്ണം വാഹനങ്ങൾക്ക്​ കേടുപാടുകൾ പറ്റിയതും 15 എണ്ണം വീടിനകത്തേക്ക്​ വെള്ളം കയറിയതുമാണ്​. ഇൗ വർഷുണ്ടായ ഏറ്റവും ശക്​തമായ മഴയാണ്​ ഇന്നലെ മേഖലയിലുണ്ടായത്​.