ബുറൈദ ഒ.ഐ.സി.സി കോണ്‍ഗ്രസ് സ്ഥാപക ദിനാചരണം

റിയാദ്: ഒ.ഐ.സി.സി ബുറൈദ സെന്‍ട്രല്‍ കമ്മിറ്റിയുടെ ആഭിമുഖ്യത്തില്‍ ഇന്ത്യന്‍ നാഷനല്‍ കോണ്‍ഗ്രസിന്റെ 138ാമത് സ്ഥാപക ദിനാഘോഷം നടത്തി. സെന്‍ട്രല്‍ കമ്മിറ്റി പ്രസിഡൻറ് സക്കീര്‍ പത്തറ, ജനറൽ സെക്രട്ടറി പ്രമോദ് കുര്യന്‍ കോട്ടയം, ഉപദേശക സമിതി ചെയര്‍മാന്‍ ആദം അലി സകാകിര്‍, ഭാരവാഹികളായ അബ്ദുൽ അസീസ് കണ്ണൂര്‍, പി.പി.എം. അഷ്റഫ്, സക്കീര്‍ കുറ്റിപ്പുറം, മുഹമ്മദ് അലി, സുനോജ്, മുജീബ് അല്‍ ഈദ് എന്നിവർ നേതൃത്വം നല്‍കി.

ജനാധിപത്യവും മതേതരത്വവും സംരക്ഷിക്കാനും ഇന്ത്യന്‍ നാഷനല്‍ കോണ്‍ഗ്രസിനെ ശക്തിപ്പെടുത്താനും വേണ്ടി രാഹുല്‍ ഗാന്ധി നടത്തുന്ന ഭാരത് ജോഡോ യാത്രക്ക് യോഗം അഭിവാദ്യങ്ങള്‍ അര്‍പ്പിച്ചു.