അൽഖോബാറിൽ കാർ പാർക്കിങ് ഏരിയ തകർന്നു

അൽഖോബാർ: ദമ്മാം ഖോബാർ ഹൈവേയിലെ റാക്കയിൽ അൽസഈദ് ടവറി​െൻറ പാർക്കിങ് ഭാഗം തകർന്ന് നാലു പേർക്ക് പരിക്കേറ്റു. നിരവധി വാഹനങ്ങൾ തകർന്നു. മണ്ണിടിഞ്ഞാണ് അപകടം ഉണ്ടായത്.

റഡ് ക്രസൻറ്​, സിവിൽ ഡിഫൻസ്, ഫയർ സർവിസ് ടീമുകൾ സ്ഥലത്തെത്തി രക്ഷാപ്രവർത്തനങ്ങൾ നടത്തി. അടുത്തുള്ള ടവറിലെ ജീവനക്കാർക്ക് ഉടൻ തന്നെ ഒഴിഞ്ഞു പോകാനുള്ള നിർദേശം നൽകിയിരുന്നു.

രണ്ട് പേരെ തകർന്ന അവിശിഷ്​ടങ്ങൾക്കിടയിൽ നിന്നാണ് രക്ഷപ്പെടുത്തിയത്. കൂടുതൽ തെരച്ചിൽ നടന്നു കൊണ്ടിരിക്കുന്നു. കിഴക്കൻ പ്രവിശ്യ മേയർ എൻജി. ഫഹദ് ബിൻ മുഹമ്മദ് സ്ഥലം സന്ദർശിച്ചു.