യാംബുവിൽ കെട്ടിടത്തിന് തീപിടുത്തം; പരിക്കേറ്റ എട്ടുപേരെ ആശുപത്രിയിലേക്ക് മാറ്റി

യാംബു: ഞായറാഴ്ച വൈകീട്ട് യാംബുവിലെ ഒരു കെട്ടിടത്തിലുണ്ടായ തീപിടുത്തം അണച്ചതായും പുക ശ്വസിച്ചും മറ്റും നിസ്സാര പരിക്ക് പറ്റിയ എട്ടു പേർക്ക് വൈദ്യ സഹായം നൽകുന്നതിനായി ആശുപത്രിയിലേക്ക് മാറ്റിയതായും സിവിൽ ഡിഫൻസ് അറിയിച്ചു.

തീപിടുത്തം കെട്ടിടത്തിന് സമീപമുണ്ടായിരുന്ന നിരവധി വാഹനങ്ങളെ അടക്കം ബാധിച്ചതായും കെട്ടിടത്തിൽ അകപ്പെട്ടുപോയ 23 പേരെ സുരക്ഷിതമായി ഒഴിപ്പിച്ചതായും ജനറൽ ഡയറക്ടറേറ്റ് ഓഫ് സിവിൽ ഡിഫൻസ് വക്താവ് അറിയിച്ചു.