ബ്രി​ക്​​സ്​ ഉ​ച്ച​കോ​ടി; ഗ​സ്സ​യി​ലെ മാ​നു​ഷി​ക ദു​രി​ത​ങ്ങ​ൾഅ​വ​ഗ​ണി​ക്കാ​നാ​വി​ല്ല -സൗ​ദി വി​ദേ​ശ​കാ​ര്യ മ​ന്ത്രി

റി​യാ​ദ്​: ഗ​സ്സ​യി​ലെ മാ​നു​ഷി​ക ദു​രി​ത​ങ്ങ​ൾ അ​വ​ഗ​ണി​ക്കാ​ൻ ക​ഴി​യി​ല്ലെ​ന്ന്​ സൗ​ദി വി​ദേ​ശ​കാ​ര്യ അ​മീ​ർ ഫൈ​സ​ൽ ബി​ൻ ഫ​ർ​ഹാ​ൻ. തി​ങ്ക​ളാ​ഴ്ച ബ്ര​സീ​ലി​ലെ റി​യോ ഡി ​ജ​നീ​റോ​യി​ൽ 17ാമ​ത് ബ്രി​ക്സ് ഉ​ച്ച​കോ​ടി​യി​ൽ സൗ​ദി കി​രീ​ടാ​വ​കാ​ശി അ​മീ​ർ മു​ഹ​മ്മ​ദ്​ ബി​ൻ സ​ൽ​മാ​നെ പ്ര​തി​നി​ധീ​ക​രി​ച്ച് സം​സാ​രി​ക്ക​വേ​യാ​ണ്​ സൗ​ദി നി​ല​പാ​ട്​ ആ​വ​ർ​ത്തി​ച്ച​ത്​.

ഗ​സ്സ​യി​ലെ ആ​ശു​പ​ത്രി​ക​ൾ​ക്കും മ​റ്റു അ​ടി​സ്ഥാ​ന​സൗ​ക​ര്യ​ങ്ങ​ൾ പ്ര​ദാ​നം ചെ​യ്യു​ന്ന സ്ഥാ​പ​ന​ങ്ങ​ൾ​ക്കു​മെ​തി​രെ തു​ട​രു​ന്ന ഇ​സ്രാ​യേ​ലി ആ​ക്ര​മ​ണ​ങ്ങ​ളും സാ​ധാ​ര​ണ​ക്കാ​രെ ല​ക്ഷ്യം വെ​ക്കു​ന്ന​തും അ​ന്താ​രാ​ഷ്​​ട്ര മാ​നു​ഷി​ക നി​യ​മ​ങ്ങ​ളു​ടെ ന​ഗ്​​ന​മാ​യ ലം​ഘ​ന​വും ലോ​ക​ക്ര​മ​ത്തോ​ടു​ള്ള വെ​ല്ലു​വി​ളി​യു​മാ​ണ്. മാ​നു​ഷി​ക സ​ഹാ​യ വി​ത​ര​ണ​വും സി​വി​ലി​യ​ന്മാ​രു​ടെ സം​ര​ക്ഷ​ണ​വും ഉ​റ​പ്പാ​ക്കു​ന്ന​തി​നു​ള്ള ഉ​ത്ത​ര​വാ​ദി​ത്തം ഏ​റ്റെ​ടു​ക്കാ​ൻ അ​ന്താ​രാ​ഷ്​​ട്ര സ​മൂ​ഹം ത​യാ​റാ​വ​ണ​മെ​ന്നും വി​ദേ​ശ​കാ​ര്യ മ​ന്ത്രി ആ​വ​ശ്യം ആ​വ​ർ​ത്തി​ച്ചു.

ലോ​കം സാ​ക്ഷ്യം വ​ഹി​ക്കു​ന്ന ഗു​രു​ത​ര​മാ​യ പ്ര​തി​സ​ന്ധി​ക​ൾ പ​രി​ഹ​രി​ക്കു​ന്ന​തി​ൽ എ​ല്ലാ​വ​ർ​ക്കു​മു​ള്ള തു​ല്യ ഉ​ത്ത​ര​വാ​ദി​ത്തം മ​റ​ക്ക​രു​ത്. സു​ര​ക്ഷ നി​ല​നി​ർ​ത്തു​ന്ന​തി​നും സം​ഘ​ർ​ഷ​ങ്ങ​ൾ വ്യാ​പി​ക്കു​ന്ന​തും രൂ​ക്ഷ​മാ​കു​ന്ന​തും ത​ട​യു​ന്ന​തി​നും ആ​വ​ശ്യ​മാ​യ​തെ​ല്ലാം എ​ല്ലാ​വ​രും കൂ​ടി സ്വീ​ക​രി​ക്ക​ണം. അ​ന്താ​രാ​ഷ്​​ട്ര നി​യ​മ​ങ്ങ​ൾ​ക്ക​നു​സൃ​ത​മാ​യി ഫ​ല​സ്​​തീ​നി​ൽ ദ്വി​രാ​ഷ്​​ട്ര പ​രി​ഹാ​രം ന​ട​പ്പാ​ക്കം. അ​തി​നെ അ​ടി​സ്ഥാ​ന​മാ​ക്കി മാ​ത്ര​മേ ഫ​ല​സ്​​തീ​ൻ പ്ര​തി​സ​ന്ധി അ​വ​സാ​നി​പ്പി​ക്കാ​നും എ​ല്ലാ​വ​ർ​ക്കും ശാ​ശ്വ​ത​വും സ​മ​ഗ്ര​വു​മാ​യ സ​മാ​ധാ​നം കൈ​വ​രി​ക്കാ​നും സാ​ധി​ക്കൂ. അ​തി​ന്​ അ​ന്താ​രാ​ഷ്​​ട്ര സ​മൂ​ഹം ഒ​റ്റ​ക്കെ​ട്ടാ​യി പ്ര​വ​ർ​ത്തി​ക്ക​ണം.

അ​വ​സ​ര​ങ്ങ​ളും പ​ങ്കി​ട്ട വി​ക​സ​ന​വും നി​റ​ഞ്ഞ ഭാ​വി​ക്കാ​യി ബ​ഹു​മു​ഖ വേ​ദി​ക​ളി​ൽ ഫ​ല​പ്ര​ദ​മാ​യ സ​ഹ​ക​ര​ണം കെ​ട്ടി​പ്പ​ടു​ക്കാ​നു​ള്ള സൗ​ദി​യു​ടെ അ​ഭി​ലാ​ഷം മ​ന്ത്രി പ്ര​ക​ടി​പ്പി​ച്ചു. കാ​ലാ​വ​സ്ഥ വ്യ​തി​യാ​ന​ത്തെ​ക്കു​റി​ച്ചു​ള്ള ഐ​ക്യ​രാ​ഷ്​​ട്ര​സ​ഭ​യു​ടെ ച​ട്ട​ക്കൂ​ട് ക​ൺ​വെ​ൻ​ഷ​നോ​ടും പാ​രീ​സ് ക​രാ​റി​നോ​ടു​മു​ള്ള രാ​ജ്യ​ത്തി​​ന്റെ പ്ര​തി​ബ​ദ്ധ​ത അ​ദ്ദേ​ഹം വ്യ​ക്ത​മാ​ക്കി.

വി​വി​ധ രാ​ജ്യ​ങ്ങ​ളു​ടെ വൈ​വി​ധ്യ​മാ​ർ​ന്ന സാ​ഹ​ച​ര്യ​ങ്ങ​ൾ ക​ണ​ക്കി​ലെ​ടു​ക്കു​ന്ന പ്രാ​യോ​ഗി​ക​വും സ​ന്തു​ലി​ത​വു​മാ​യ സ​മീ​പ​ന​ത്തി​ന് ആ​ഹ്വാ​നം ചെ​യ്തു. ജ​ല​ക്ഷാ​മം അ​നു​ഭ​വി​ക്കു​ന്ന ഒ​രു രാ​ജ്യ​മെ​ന്ന നി​ല​യി​ൽ, പാ​രി​സ്ഥി​തി​ക വെ​ല്ലു​വി​ളി​ക​ളും ജ​ല​സ്രോ​ത​സ്സു​ക​ളും കൈ​കാ​ര്യം ചെ​യ്യു​ന്ന​തി​നു​ള്ള നൂ​ത​ന​രീ​തി​ക​ളും സാ​ങ്കേ​തി​ക​വി​ദ്യ​ക​ളും സൗ​ദി അ​റേ​ബ്യ വി​ക​സി​പ്പി​ച്ചെ​ടു​ത്തി​ട്ടു​ണ്ടെ​ന്നും ഈ ​സു​പ്ര​ധാ​ന വി​ഭ​വ​ത്തി​ലേ​ക്ക് തു​ല്യ​മാ​യ പ്ര​വേ​ശ​നം ഉ​റ​പ്പാ​ക്കാ​ൻ ല​ക്ഷ്യ​മി​ടു​ന്ന ലോ​ക ജ​ല​സം​ഘ​ട​ന സ്ഥാ​പി​ക്കു​ന്ന​തി​ലേ​ക്ക് ന​യി​ച്ച ശ്ര​മ​ങ്ങ​ൾ​ക്ക് നേ​തൃ​ത്വം ന​ൽ​കി​യെ​ന്നും വി​ദേ​ശ​കാ​ര്യ മ​ന്ത്രി വി​ശ​ദീ​ക​രി​ച്ചു.

‘സൗ​ദി വി​ഷ​ൻ 2030’ൽ ​പ്ര​തി​രോ​ധ​ത്തി​ലും സം​യോ​ജി​ത പ​രി​ച​ര​ണ​ത്തി​ലും ശ്ര​ദ്ധ കേ​ന്ദ്രീ​ക​രി​ച്ചു​ള്ള സ​മ​ഗ്ര പ​രി​ഷ്കാ​ര​ങ്ങ​ൾ ഉ​ൾ​പ്പെ​ടു​ന്നു​വെ​ന്ന് ആ​രോ​ഗ്യ മേ​ഖ​ല​യെ​ക്കു​റി​ച്ച്​ വി​​ശ​ദീ​ക​രി​ച്ച​പ്പോ​ൾ അ​ദ്ദേ​ഹം സൂ​ചി​പ്പി​ച്ചു.

ഹ​ജ്ജ്, ഉം​റ പോ​ലു​ള്ള പ്ര​ധാ​ന ഒ​ത്തു​ചേ​ര​ലു​ക​ൾ കൈ​കാ​ര്യം ചെ​യ്യു​ന്ന​തി​ലും ആ​സൂ​ത്ര​ണ​ത്തി​ലും നേ​ര​ത്തെ​യു​ള്ള മു​ന്ന​റി​യി​പ്പ് സം​വി​ധാ​ന​ങ്ങ​ളി​ലും വി​ക​സ​ന​ത്തി​ലും അ​ന്താ​രാ​ഷ്​​ട്ര മാ​ന​ദ​ണ്ഡ​ങ്ങ​ൾ​ക്ക​നു​സൃ​ത​മാ​യി ആ​രോ​ഗ്യ അ​ടി​യ​ന്ത​രാ​വ​സ്ഥ​ക​ൾ​ക്കു​ള്ള ത​യാ​റെ​ടു​പ്പി​നും പ്ര​തി​ക​ര​ണ​ത്തി​നും ആ ​രം​ഗ​ത്ത്​ സൗ​ദി​യു​ടെ സ്ഥാ​നം ശ​ക്തി​പ്പെ​ടു​ത്തു​ന്ന​തി​ലു​മു​ള്ള അ​നു​ഭ​വം മ​ന്ത്രി വി​വ​രി​ച്ചു. ഈ ​വ​ർ​ഷം ബ്രി​ക്‌​സ് ഉ​ച്ച​കോ​ടി​ക്ക് ആ​തി​ഥേ​യ​ത്വം വ​ഹി​ച്ച​തി​നും ഗ്രൂ​പ്പി​​ന്റെ പ്ര​സി​ഡ​ന്റ്​ എ​ന്ന നി​ല​യി​ൽ അ​തി​​ന്റെ പ്ര​ധാ​ന പ​ങ്കി​നും ബ്ര​സീ​ലി​ന്​ അ​ദ്ദേ​ഹം ന​ന്ദി പ​റ​ഞ്ഞു.