ബോ​ളി​വാ​ർ​ഡ്​ വി​നോ​ദ ന​ഗ​രി​യി​ൽ തി​ര​ക്കേ​റി; സന്ദർശകരെ വരവേൽക്കും വിസ്മയങ്ങൾ

റി​യാ​ദ്‌: റി​യാ​ദ്‌ സീ​സ​ൺ മൂ​ന്നാം പ​തി​പ്പി​ന്റെ ഭാ​ഗ​മാ​യ ബോ​ളി​വാ​ർ​ഡ് വേ​ൾ​ഡ് വി​നോ​ദ​ന​ഗ​രി​യി​ൽ സ​ന്ദ​ർ​ശ​ക​രു​ടെ തി​ര​ക്കേ​റി. വി​സ്മ​യ​ക്കാ​ഴ്ച​ക​ളും അ​ത്ഭു​ത നി​ർ​മി​തി​ക​ളും ഒ​രു​ക്കി​വെ​ച്ച് ത​ദ്ദേ​ശീ​യ​രും വി​ദേ​ശി​ക​ളു​മാ​യ വി​നോ​ദ​സ​ഞ്ചാ​രി​ക​ളെ മാ​ടി​വി​ളി​ക്കു​ക​യാ​ണ് ഈ ​അ​ത്ഭു​ത ന​ഗ​രി. റി​യാ​ദ്‌ ന​ഗ​ര​കേ​ന്ദ്ര​ത്തി​ൽ​നി​ന്ന് 30 കി​ലോ​മീ​റ്റ​ർ ദൂ​ര​മാ​ണ് ഈ ​വി​നോ​ദ കേ​ന്ദ്ര​ത്തി​ലേ​ക്കു​ള്ള​ത്.

വി​ശാ​ല​മാ​യ പാ​ർ​ക്കി​ങ്​ സൗ​ക​ര്യ​വും ഹൃ​ദ്യ​മാ​യ ആ​തി​ഥേ​യ​ത്വ​വും കൃ​ത്യ​മാ​യ മാ​ർ​ഗ​നി​ർ​ദേ​ശം ന​ൽ​കാ​നാ​യി മി​ക​ച്ച വ​ള​ൻ​റി​യ​ർ സം​വി​ധാ​ന​വും ന​ഗ​രി​യി​ലു​ണ്ട്.

അ​തി​മ​നോ​ഹ​ര​മാ​യ ബോ​ളി​വാ​ർ​ഡ് വേ​ൾ​ഡ്, സ​ന്ദ​ർ​ശ​ക​രു​ടെ ഭാ​വ​ന​ക​ൾ​ക്ക​പ്പു​റം അ​തി​ഗം​ഭീ​ര​മാ​യ 10ഓ​ളം ഉ​പ​മേ​ഖ​ല​ക​ളി​ലേ​ക്ക് കൂ​ട്ടി​ക്കൊ​ണ്ടു​പോ​കും. എ​ല്ലാ പ്രാ​യ​ക്കാ​ർ​ക്കും വി​വി​ധ ഇ​ഷ്ട​ക്കാ​ർ​ക്കും അ​തൊ​രു ഇ​ടം ന​ൽ​കു​ന്നു. പ്ര​ത്യേ​ക​മാ​യ ഷോ​പ്പി​ങ്​ അ​നു​ഭ​വം, കാ​യി​ക സാ​ഹ​സി​ക സം​ഗീ​ത​പ്രേ​മി​ക​ള​ട​ക്കം എ​ല്ലാ​വ​രി​ലും ആ​വേ​ശ​വും ഉ​ത്സു​ക​ത​യും നി​റ​ക്കു​ന്ന കാ​ഴ്ച​ക​ളാ​ണ് എ​ങ്ങും. ന്യൂ​യോ​ർ​ക്കി​ലെ ടൈം ​സ്‌​ക്വ​യ​റി​നെ അ​നു​സ്മ​രി​പ്പി​ക്കു​ന്ന ഗം​ഭീ​ര​വും ആ​ക​ർ​ഷ​ക​വു​മാ​യ സ്‌​ക്രീ​നു​മാ​യി വ​ലി​യ പ്ര​വേ​ശ​ന ക​വാ​ടം, ലോ​ക​ത്തി​ലെ ഏ​റ്റ​വും വ​ലി​യ കൃ​ത്രി​മ ത​ടാ​കം, കേ​ബ്ൾ കാ​ർ ഗ​താ​ഗ​തം, ദൃ​ശ്യ സം​ഗീ​ത സാ​ന്ദ്ര​മാ​യ ക്ലൗ​ഡ് ആ​ലിം​ഗ​ന ലോ​ഞ്ചു​ക​ൾ, കോം​ബാ​റ്റ് ഫീ​ൽ​ഡ് ഏ​രി​യ, സൂ​പ്പ​ർ ഹീ​റോ​ക​ൾ​ക്കു​ള്ള ഗ്രാ​മം, ലോ​ക​ത്തി​ലെ ഏ​റ്റ​വും വ​ലി​യ ഗോ​ളം എ​ന്നി​വ ഉ​ൾ​പ്പെ​ടെ നി​ര​വ​ധി വൈ​വി​ധ്യ​മാ​ർ​ന്ന ആ​സ്വാ​ദ​ന കേ​ന്ദ്ര​ങ്ങ​ളാ​ണ് ഇ​വി​ട​ത്തെ സ​വി​ശേ​ഷ​ത​ക​ൾ. വി​വി​ധ രാ​ജ്യ​ങ്ങ​ളു​ടെ സാം​സ്കാ​രി​ക വൈ​വി​ധ്യ​വും പാ​ര​മ്പ​ര്യ​വും തു​ടി​ക്കു​ന്ന ക​ലാ​പ്ര​ക​ട​ന​ങ്ങ​ൾ, രു​ചി​ക​ൾ, സു​ഗ​ന്ധ​ങ്ങ​ൾ, കാ​ഴ്ച​ക​ൾ എ​ല്ലാം മേ​ളി​ക്കു​ന്ന ആ​ഘോ​ഷ​ങ്ങ​ളു​ടെ കാ​ർ​ണി​വ​ൽ കൂ​ടി​യാ​ണ് ബോ​ളി​വാ​ർ​ഡ്.

വി​നോ​ദ​സ​ഞ്ചാ​ര രം​ഗ​ത്ത് സൗ​ദി​യു​ടെ കു​തി​ച്ചു​ചാ​ട്ട​ത്തി​ന്റെ​യും സു​സ്ഥി​ര വി​ക​സ​ന മേ​ഖ​ല​യി​ൽ രാ​ജ്യം ന​ട​ത്തു​ന്ന ക​രു​ത​ൽ നി​ക്ഷേ​പ​ങ്ങ​ളു​ടെ​യും ഭാ​ഗ​മാ​ണ് റി​യാ​ദ്‌ സീ​സ​ണി​ന്റെ ഭാ​ഗ​മാ​യി ഉ​യ​ർ​ന്നു​വ​ന്ന ഉ​ത്സ​വ ന​ഗ​രി​ക​ൾ. വൈ​കീ​ട്ട്​ മൂ​ന്നു മു​ത​ൽ പു​ല​ർ​ച്ച 12 വ​രെ വി​നോ​ദ​ന​ഗ​രി തു​റ​ന്നി​രി​ക്കും. ഓ​ൺ​ലൈ​നാ​യാ​ണ് ടി​ക്ക​റ്റു​ക​ൾ ക​ര​സ്ഥ​മാ​ക്കേ​ണ്ട​ത്. ആ​ഴ്ച​യി​ലെ സാ​ധാ​ര​ണ ദി​വ​സ​ങ്ങ​ളി​ൽ ടി​ക്ക​റ്റു​ക​ൾ​ക്ക് 100 റി​യാ​ലും വാ​രാ​ന്ത്യ​ങ്ങ​ളി​ൽ 150 റി​യാ​ലു​മാ​ണ് നി​ര​ക്ക്. തി​ര​ക്ക് കൂ​ടു​ത​ലാ​യ​തി​നാ​ൽ പ്ര​വൃ​ത്തി ദി​വ​സ​ങ്ങ​ൾ തി​ര​ഞ്ഞെ​ടു​ക്കു​ന്ന​താ​യി​രി​ക്കും ഉ​ചി​തം. ഗി​ന്ന​സ് റെ​ക്കോ​ഡ് നേ​ടി​യ അ​ഞ്ചു സ​വി​ശേ​ഷ കാ​ഴ്ച​ക​ള​ട​ക്കം നി​ര​വ​ധി വി​ഭ​വ​ങ്ങ​ളാ​ണ് ഓ​രോ സ​ന്ദ​ർ​ശ​ക​നെ​യും കാ​ത്തി​രി​ക്കു​ന്ന​ത്.