സൗ​ദി​യി​ലേ​ക്കു​ള്ള വ​ഴി​മ​ധ്യേ പു​സ്ത​കോ​ത്സ​വ​വും; വാ​യ​ന​യെ വീ​ണ്ടെ​ടു​ത്ത്​ പ്ര​വാ​സി​ക​ൾ

സു​ലൈ​മാ​ൻ വി​ഴി​ഞ്ഞം

റി​യാ​ദ്: സൗ​ദി അ​റേ​ബ്യ​യി​ലേ​ക്ക് മ​ട​ങ്ങാ​ൻ യു.​എ.​ഇ ഇ​ട​ത്താ​വ​ള​മാ​ക്കു​ന്ന​വ​ർ​ക്ക്​ ല​ഭി​ക്കു​ന്ന​ത് നി​ര​വ​ധി സൗ​ഭാ​ഗ്യ​ങ്ങ​ൾ.

ദു​ബൈ ഷോ​പ്പി​ങ്​ ഫെ​സ്​​റ്റി​വ​ൽ പോ​ലെ സൗ​ദി പ്ര​വാ​സി​ക​ൾ​ക്ക്​ വീ​ണു​കി​ട്ടി​യ അ​വ​സ​ര​മാ​യി​രു​ന്നു ഷാ​ർ​ജ പു​സ്​​ത​കോ​ത്സ​വം.

ന​വം​ബ​ർ തു​ട​ക്ക​ത്തി​ൽ യു.​എ.​ഇ​യി​ൽ എ​ത്തി​യ​വ​ർ​ക്ക് ഷാ​ർ​ജ അ​ന്താ​രാ​ഷ്​​ട്ര പു​സ്ത​കോ​ത്സ​വം കാ​ണാ​നും പു​സ്ത​ക​ങ്ങ​ൾ വാ​ങ്ങാ​നും ക​ഴി​ഞ്ഞി​രു​ന്നു. നി​ര​വ​ധി യാ​ത്ര​ക്കാ​ർ അ​ന​വ​ധി പു​സ്ത​ക​ങ്ങ​ളാ​ണ് ഇ​ത്ത​ര​ത്തി​ൽ സ്വ​ന്ത​മാ​ക്കി​യ​ത്.

സൗ​ദി​യി​ലേ​ക്ക്​ പു​റ​പ്പെ​ടും മു​മ്പു​ള്ള ക്വാ​റ​ൻ​റീ​ൻ കാ​ല​യ​ള​വാ​യ 14 ദി​വ​സം എ​ങ്ങ​നെ ചെ​ല​വ​ഴി​ക്കും എ​ന്ന് ക​രു​തി മു​റി​യി​ൽ ക​ഴി​ഞ്ഞ​വ​ർ പ​ല​ർ​ക്ക്​ ഇ​ങ്ങ​നെ വാ​ങ്ങി​ക്കൂ​ട്ടി​യ പു​സ്ത​ക​ങ്ങ​ൾ കൂ​ട്ടാ​യി. അ​ങ്ങ​നെ വാ​യി​ച്ചു​തു​ട​ങ്ങി​യ പ​ല​രും പ​തി​യെ ഗൗ​ര​വ വാ​യ​ന​യി​ലേ​ക്ക്​ ക​ട​ക്കു​ക​യും കു​റ​ഞ്ഞ​ദി​വ​സ​ത്തി​ൽ ത​ന്നെ നി​ര​വ​ധി പു​സ്​​ത​ക​ങ്ങ​ൾ വാ​യി​ക്കു​ക​യും ചെ​യ്​​തു.

ഇ​തി​ൽ പ​ല​രും മു​മ്പ്​ ന​ല്ല വാ​യ​ന​ക്കാ​രാ​യി​രു​ന്ന​വ​രും പ്ര​വാ​സ​ത്തി​െൻറ തി​ര​ക്കി​ലും ടെ​ക്​​നോ​ള​ജി​യു​ടെ ക​ട​ന്നു​ക​യ​റ്റ​ത്തി​ലും വാ​യ​ന കൈ​മോ​ശം വ​ന്ന​വ​രാ​യി​രു​ന്നു. അ​വ​രി​പ്പോ​ൾ വാ​യ​ന​യെ തി​രി​ച്ചു​പി​ടി​ച്ചി​രി​ക്കു​ക​യാ​ണ്. മ​റ്റ്​ ചി​ല​രാ​വ​​ട്ടെ വാ​യ​ന​യു​ടെ തു​ട​ക്ക​ക്കാ​രു​മാ​ണ്. മു​െ​മ്പാ​ന്നും വാ​യി​ക്കാ​ത്ത​വ​ർ പോ​ലും പു​തു​താ​യി വാ​യ​ന​ക്കാ​രാ​യി മാ​റി​യ അ​നു​ഭ​വ​വു​മു​ണ്ട്.

സൗ​ദി​യി​ലേ​ക്ക് പോ​കാ​ൻ ഷാ​ർ​ജ​യി​ലെ​ത്തി​യ ക​ണ്ണൂ​ർ പെ​ർ​ള​ശ്ശേ​രി സ്വ​ദേ​ശി പ്ര​മോ​ദ് ഇ​ങ്ങ​നെ വാ​യ​ന തു​ട​ങ്ങി​യ​വ​രി​ൽ ഒ​രാ​ളാ​ണ്. ക​ഴി​ഞ്ഞ ഒ​രാ​ഴ്ച​ക്കി​ട​യി​ൽ അ​ഞ്ചി​ലേ​റെ പു​സ്ത​ക​ങ്ങ​ളാ​ണ് ഇ​ദ്ദേ​ഹം വാ​യി​ച്ചു​തീ​ർ​ത്ത​ത്. അ​ഷ്​​റ​ഫ് താ​മ​ര​ശ്ശേ​രി​യു​ടെ 'ഒ​ടു​വി​ല​ത്തെ കൂ​ട്ട്​', ജേ​ക്ക​ബ് എ​ബ്ര​ഹാ​മി​െൻറ 'കു​മാ​രി', പി.​എ​സ്. രാ​കേ​ഷ് എ​ഴു​തി​യ 'ഞാ​ൻ നാ​ദി​യ മു​റാ​ദ്', ജോ​സ​ഫ് അ​ന്ന​ക്കു​ട്ടി ജോ​സി​െൻറ 'ദൈ​വ​ത്തി​െൻറ ചാ​ര​ന്മാ​ർ' തു​ട​ങ്ങി​യ പു​സ്ത​ക​ങ്ങ​ളാ​ണ്​ ഈ ​ദി​വ​സ​ങ്ങ​ളി​ൽ വാ​യി​ച്ചു​തീ​ർ​ത്ത​ത്. ഇ​തു​വ​രെ കാ​ര്യ​മാ​യ വാ​യ​ന ന​ട​ത്തി​യി​ട്ടി​ല്ലെ​ന്നും ഈ ​ക്വാ​റ​ൻ​റീ​ൻ കാ​ലം പു​സ്ത​ക​ങ്ങ​ളി​ലേ​ക്ക് ആ​ഴ​ത്തി​ൽ ഇ​റ​ങ്ങി​ച്ചെ​ല്ലാ​ൻ ക​ഴി​ഞ്ഞെ​ന്നും അ​തി​ൽ സ​ന്തോ​ഷ​മു​ണ്ടെ​ന്നും പ്ര​മോ​ദ് 'ഗ​ൾ​ഫ് മാ​ധ്യ​മ'​ത്തോ​ട് പ​റ​ഞ്ഞു.

പു​സ്ത​കോ​ത്സ​വം ക​ഴി​യു​ക​യും വാ​ങ്ങി​ച്ച്​ കൂ​ട്ടി​യ പു​സ്​​ത​ക​ങ്ങ​ൾ വാ​യി​ച്ചു​തീ​രു​ക​യും ചെ​യ്​​ത​പ്പോ​ൾ നേ​രം പോ​ക്കാ​ൻ മ​റ്റ്​ മാ​ർ​ഗ​ങ്ങ​ൾ തേ​ടു​ക​യാ​ണ്​ യു.​എ.​ഇ​യി​ലു​ള്ള സൗ​ദി പ്ര​വാ​സി​ക​ൾ. വൈ​കു​ന്നേ​ര​ങ്ങ​ളി​ൽ ര​ണ്ട്​ ദി​ർ​ഹം ന​ൽ​കി ക​ട​ൽ​പ​ര​പ്പി​ലൂ​ടെ ബോ​ട്ടു​ക​ളി​ൽ സ​വാ​രി ന​ട​ത്തി​യും മ്യൂ​സി​യ​ങ്ങ​ളും മ​നോ​ഹ​ര​മാ​യ പ​ള്ളി​ക​ളും മ​റ്റ്​ സൗ​ധ​ങ്ങ​ളും കാ​ണാ​ൻ പോ​യു​മാ​ണ്​ വി​ര​സ നേ​ര​ങ്ങ​ൾ ആ​സ്വാ​ദ്യ​ക​ര​മാ​ക്കു​ന്ന​ത്.

കോ​വി​ഡ് വാ​ക്‌​സി​ൻ ര​ണ്ടു ഡോ​സ് നാ​ട്ടി​ൽ​നി​ന്നും എ​ടു​ത്ത​വ​രാ​ണ്​ സൗ​ദി​യി​ലേ​ക്ക് ഇ​ന്ത്യ​യി​ൽ നി​ന്ന്​ നേ​രി​ട്ട്​ പ്ര​വേ​ശ​ന​മി​ല്ലാ​ത്ത​തി​നാ​ൽ യു.​എ.​ഇ ഇ​ട​ത്താ​വ​ള​മാ​ക്കി 14 ദി​വ​സം അ​വി​ടെ ത​ങ്ങു​ന്ന​ത്.