ബ്ലാസ്​റ്റേഴ്‌സ് എഫ്.സി സൂപ്പർ ലീഗിൽ ബി.എഫ്.സി വാരിയേഴ്​സിന് കിരീടം

ജിദ്ദ: ബ്ലാസ്​റ്റേഴ്‌സ് എഫ്.സി സൂപ്പർ ലീഗ് കിരീടം ബി.എഫ്.സി വാരിയേഴ്​സ് നേടി. ജിദ്ദ ഖാലിദ് ഇബ്​നു വലീദിലെ അൽവിദാദ് സ്​റ്റേഡിയത്തിൽ നടന്ന ആവേശകരമായ ഫൈനലിൽ ബി.എഫ്.സി വാരിയേഴ്​സ്, ബി.എഫ്.സി യങ്‌സിനെ സഡൻ ഡെത്തിൽ ആണ് പരാജയപ്പെടുത്തിയത്. ബദർ അൽതമാം മാർക്കറ്റിങ്​ മാനേജർ ഡോ. അഷ്‌റഫ് വിജയികൾക്കുള്ള ട്രോഫി വിതരണം ചെയ്​തു.

റണ്ണേഴ്‌സിനുള്ള ട്രോഫി സീലാൻഡ് ഫുഡ്​സ് മാനേജർ സിയാദ് അലി നൽകി. ടൂർണമെൻറിലെ മികച്ച കളിക്കാരനായി തിരഞ്ഞെടുത്ത ഷബീറിന് ബ്ലാസ്​റ്റേഴ്‌സ് ചെയർമാൻ മുഹമ്മദ് ആലുങ്ങൽ ട്രോഫി നൽകി. മികച്ച ഗോൾ കീപ്പറായി തിരഞ്ഞെടുത്ത അമീറിന് നാസർ കല്ലിങ്ങൽപാടം, മികച്ച ഡിഫെൻഡറായി തെരഞ്ഞെടുത്ത ശരീഫിന് ഹാരിസ് കൊന്നോല, ഏറ്റവും മികച്ച മിഡ് ഫീൽഡർ അനീസിന് സലിം അസിംക്കോ, ബെസ്​റ്റ്​ സ്‌ട്രൈക്കർ മുസ്​തഫക്ക് സൈഫു എടവണ്ണ, ഫൈനലിലെ മാൻ ഓഫ് ദ മാച്ചായി തെരഞ്ഞെടുത്ത അസൈന് ജഷീർ തറയിൽ എന്നിവർ ട്രോഫികൾ വിതരണം ചെയ്​തു.

മത്സരങ്ങൾ നിയന്ത്രിച്ച ഹനീഫ മക്കരപ്പറമ്പിന് സിഫ് ടെക്​നിക്കൽ അംഗം നിഷാദ് ഉപഹാരം നൽകി. അൻവർ വല്ലാഞ്ചിറ, മുനീർ, അലി, ഷിൽജാസ്, സുനീർ, ജസീർ, നൗഷാദ്, ഇല്യാസ്, ഷമീം, മൊയ്‌നുദ്ദീൻ, ആഷിഖ്, ജവാദ്, കബീർ, അബു കട്ടുപ്പാറ എന്നിവർ ടൂർണമെൻറ്​ നിയന്ത്രിച്ചു.