അൽഅഹ്സയിൽ ബെറി വിളവെടുപ്പി​െൻറ മധുരകാലം

ദമ്മാം: ബെറി വിളവെടുപ്പി​​െൻറ മധുരകാലമാണ്​ ഇനി അൽഅഹ്​സയിൽ. ശൈത്യകാലം കഴിഞ്ഞ്​ വേനൽക്കാലത്തി​​െൻറ വരവറിയിച് ച് വീശുന്ന നേരിയ ചൂടികാറ്റിനൊപ്പം അൽഹസാവി ബെറികളുടെ വിളവെടുപ്പ്​ ആരംഭിച്ചു. ചുവപ്പ്, കറുപ്പ്, വെള്ള, പച്ച എന്ന ീ നാല് നിറത്തിലും തരത്തിലുമുള്ള ബെറികളുടെ സമൃദ്ധിയാണ്​ അൽഅഹ്സയുടെ കാർഷിക മേഖലയിൽ. ഭക്ഷ്യധാന്യങ്ങളുടെയും പച് ചക്കറി, പഴവർഗങ്ങളുടെയും കാർഷിക കേന്ദ്രമാണ് അൽഅഹ്സ.
കിഴക്കൻ പ്രവിശ്യയുടെ ഭക്ഷ്യപ്പുരയാണ്​ ഇവിടം. സ്വദേശി കർഷകർ ഉയർന്ന നിലവാരമുള്ള കൃഷിയിലൂടെ ഗുണമേന്മയുള്ള ഉൽപന്നങ്ങൾ വിളയിച്ചെടുക്കുന്നതെന്ന്​ കർഷകനായ നാഇഫ് ആരിഫി പറഞ്ഞു.

കൃത്യമായ ജലസേചനത്തിലൂടെയും കണ്ണിമ ചിമ്മാത്ത പരിപാലനത്തിലൂടെയും സമൃദ്ധിയുടെ വിളവെടുപ്പ്​ നടത്തി ഉൽപ്പന്നങ്ങൾ അതിസൂക്ഷ്​മമായ വൃത്തിയോടെ കൃത്യസമയങ്ങളിൽ കമ്പോളങ്ങളിലെത്തിച്ച്​ വിപണനം ചെയ്യുന്നു. അൽഅഹ്സയിൽ നിന്ന്​ മാത്രമല്ല സമീപ പ്രദേശങ്ങളിൽ നിന്ന്​ കൂടി അനേകം പേർ ബെറിയുടെ വിളവെടുപ്പ്​ കാലമറിഞ്ഞ്​ കാണാനും വാങ്ങാനും എത്തിക്കൊണ്ടിരിക്കുകയാണ്​. ആരോഗ്യദായകമായ പഴവർഗമെന്ന നിലയിൽ കൂടി ബെറിയോട്​ ആളുകൾക്ക്​ പ്രത്യേക ഇഷ്​ടമാണ്​. സ്വാദിഷ്​ടമായ രുചിയും കൂടി ചേരു​േമ്പാൾ വിപണിയിൽ പ്രിയമേറുകയാണ്​ അൽഅഹ്​സ ബെറികൾക്ക്​.
തരംതിരിവിന്​ അനുസരിച്ച്​ ബെറി കിലോക്ക് 15 മുതൽ 25 റിയാൽ വരെയാണ് വില. വിളവെടുപ്പ്​ കാലത്ത് വാങ്ങിക്കൂട്ടുകയും റഫ്രിഡ്ജറേറ്ററിൽ സൂക്ഷിച്ചുവെച്ച്​ റമദാൻ കാലത്ത് ഉപയോഗിക്കുകയും ചെയ്യുന്നതാണ്​ ആളുകളുടെ രീതി.

മികച്ച ആൻറി ഓക്സിഡൻറും കാൻസർ പോലുള്ള രോഗങ്ങ​െള പ്രതിരോധിക്കാനുള്ള കഴിവുമുള്ള പഴവർഗമാണ്​ ബെറി. നാരുകൾ അടങ്ങിയ പഴമായതിനാൽ ശരീരത്തിലെ കൊളസ്ട്രോൾ നിയന്ത്രിക്കുകയും സ്ട്രോക്ക് കുറക്കുകയും ചെയ്യുന്നു. എന്തുകൊണ്ടും ആരോഗ്യദായകമാണ്​ ബെറി. ഒപ്പം സൗന്ദര്യവർധകമായും ഉപയോഗിക്കുന്നു. മൈലാഞ്ചിയുടെ നിറം കൂട്ടാനാണ്​ പ്രധാനമായും ഇൗ വഴിയിലുള്ള ഉപയോഗം.