ബഷീർ പയ്യന്നൂർ പ്രവാസത്തോടു വിടപറയുന്നു

റിയാദ്: മൂന്നു പതിറ്റാണ്ട്​ നീണ്ട പ്രവാസത്തോടു ബഷീർ പയ്യന്നൂർ എന്ന കലാകാരൻ വിടപറയുന്നു. 32 വർഷത്തെ പ്രവാസം അവസാനിപ്പിച്ചാണ്​ റിയാദിൽനിന്ന്​ ഇദ്ദേഹം മടങ്ങുന്നത്. മലർവാടി സീനിയർ റിസോഴ്സ് ടീമംഗവും ഗായകനും തനിമ സാംസ്കാരിക വേദി പ്രവർത്തകനുമായ ബഷീർ പയ്യന്നൂർ കഴിഞ്ഞ മൂന്നു പതിറ്റാണ്ട് റിയാദിലെ പ്രവാസി സാമൂഹിക സാംസ്​കാരിക രംഗത്ത്​ സജീവമായിരുന്നു. റിയാദിലെ കലാ സാംസ്കാരിക മേഖലയിലും കുട്ടികളുടെ സംഘടന രംഗത്തും നിറസാന്നിധ്യമായിരുന്നു ബഷീർ. പ്രവാസി കുട്ടികളുടെ കായികവും കലാപരവുമായ കഴിവുകൾ പോഷിപ്പിക്കാനും അവരെ മാനസിക സമ്മർദങ്ങൾ നേരിടാൻ പ്രാപ്തമാക്കുന്നതിനും അദ്ദേഹം നല്ല മെൻററായി പ്രവർത്തിച്ചു.

നിരവധി വേദികളിൽ ത​െൻറ സ്വരമാധുരിയും അഭിനയമികവും പുറത്തെടുത്തു. 1987 ഡിസംബറിലാണ് പ്രവാസം ആരംഭിച്ചത്​. 32 വർഷത്തിനുശേഷം റിയാദിൽ നാഷനൽ ജിപ്സം കമ്പനിയിലെ സെക്രട്ടറി പദവിയിൽനിന്നാണ് വിരമിക്കുന്നത്. നിരവധി സൗഹൃദങ്ങൾ നേടിയെടുക്കാൻ പ്രവാസത്തിലൂടെ കഴിഞ്ഞെന്നും കോവിഡി​െൻറ പശ്ചാത്തലത്തിൽ എല്ലാവരെയും നേരിട്ട് കണ്ട്​ യാത്ര പറയാനാകാത്തതി​െൻറ വിഷമം ഉണ്ടെന്നും ബഷീർ പറഞ്ഞു. ഭാര്യ: ഫാത്വിമ. മക്കൾ: അബ്​ദുല്ല ബഷീർ, നഫീസ തനൂജ.