ബഷീർ കടലുണ്ടിയുടെ മരണം: പുണ്യഭൂമിയിൽ ഉമ്മക്ക്​ സാന്ത്വനമാകാൻ മകൻ വരുന്നു

മക്ക: വിശുദ്ധയാത്രയു​ടെ നിർവൃതിക്കിടയിൽ ദാരുണമരണമേറ്റുവാങ്ങേണ്ടിവന്ന ഉപ്പയുടെ ഒാർമയിൽ മനം തകർന്നിരിക്കുന്ന ഉമ്മയുടെ കൈപിടിച്ച്​ അറഫയിലേക്കും മിനായിലേക്കും നടക്കാൻ മകൻ വരുന്നു. കഴിഞ്ഞ ദിവസം മക്കയിലെ താമസകേന്ദ്രത്തിൽ ലിഫ്​റ്റ്​ അപകടത്തിൽ മരിച്ച കോഴിക്കോട്​ ജെ.ഡി.റ്റി ഇസ്​ലാം സ്​കൂൾ റിട്ട. അധ്യാപകൻ ബഷീർ കടലുണ്ടിയുടെ മകൻ മുഹ്​സിനാണ് (28​) ഉമ്മ സാജിതക്ക്​ സാന്ത്വനമാവാൻ പുണ്യഭൂമിയിലെത്തുന്നത്​. യാത്രക്കുള്ള നടപടികൾ പുരോഗമിക്കുകയാണ്​. മുംബൈയിലെ സൗദി കോൺസുലേറ്റിൽ യാത്രാരേഖകൾ ശരിയാക്കാൻ നടപടികളായിട്ടുണ്ട്​. അതിനുള്ള അപേക്ഷ സമർപ്പിച്ചതായി ജിദ്ദ ഇന്ത്യൻകോൺസുലേറ്റ്​ വൃത്തങ്ങൾ ഗൾഫ്​ മാധ്യമത്തോടു പറഞ്ഞു. 

എല്ലാ നടപടികളും കഴിഞ്ഞ്​ ഉടൻ തന്നെ ജിദ്ദയിലിറങ്ങി മുഹ്​സിന്​ മക്കയിലേക്കെത്താൻ കഴിയുമെന്നാണ്​ പ്രതീക്ഷിക്കുന്നത്​. വ്യാഴാഴ്​ച രാവിലെ മുബൈയിലേക്ക്​ പുറപ്പെട്ടിട്ടുണ്ട്​. സാധാരണ കേസുകളിൽ ഇൗ സന്ദർഭത്തിൽ ഹജ്ജിന്​ അനുമതി ലഭിക്കുക സങ്കീർണമാണ്​. ഇതൊരു അസാധാരണ സംഭവമായതിനാലാണ്​ അധികൃതരുടെ ഭാഗത്ത്​ നിന്ന്​ അനകൂലനടപടികൾ ഉണ്ടായത്​. 

കഴിഞ്ഞ ഞായറാഴ്​ച ഉച്ചക്കാണ്​ ബഷീർമാസ്​റ്റർ മക്ക അസീസിയയിലെ താമസകേന്ദ്രത്തിൽ നിലയില്ലാത്ത ലിഫ്​റ്റി​​െൻറ ചേംബറിനുള്ളിൽ വീണ് മരിച്ചത്​. അധികൃതരുടെ അനാസ്​ഥക്ക്​ ഇരയാവുകയായിരുന്നു ഇദ്ദേഹം. കൂടുതൽ നിയനടപടികൾ ഉള്ളതിനാൽ മൃതദേഹം ഇതുവരെ ഖബറടക്കിയിട്ടില്ല. 

 സംസ്​ഥാന ഹജ്ജ്​ കമ്മിറ്റിക്ക്​ കീഴിൽ ഹജ്ജ്​ നിർവഹിക്കാനെത്തിയ ബഷീർമാസ്​റ്റർ  താമസിച്ചിരുന്ന മുന്നൂറാം നമ്പർ കെട്ടിടത്തിലെ ലിഫ്​റ്റ്​ താഴെ നിലയിൽ  അറ്റകുറ്റപ്പണിക്കായി നിർത്തിയിട്ടതായിരുന്നു. പക്ഷെ മൂന്നാം നിലയിൽ സ്വിച്ച്​ അമർത്തിയപ്പോൾ ഡോർ തുറന്നെങ്കിലും പ്ലാറ്റ്​ ഫോം ഉണ്ടായിരുന്നില്ല. ഇതറിയാതെ ചേംബറിലേക്ക്​ കയറിയ മുഹമ്മദ്​ ബഷീർ താഴേക്ക്​ പതിക്കുയായിരുന്നു. 

ഞായറാഴ്​ച ഉച്ചക്കാണ്​ സംഭവം നടന്നതെങ്കിലും കൂടെയുള്ളവരോ അധികൃതരോ വിവരമറിഞ്ഞിരുന്നില്ല. തെരച്ചിലിനൊടുവിൽ രാത്രി 11 മണിക്ക്​  സി.സി.ടി. വി കാമറ പരിശോധിച്ചപ്പോഴാണ്​ അപകട ദൃശ്യം കണ്ടത്​. ഭാര്യ സാജിതയോടൊപ്പം ആഗസ്​റ്റ്​ ഒമ്പതിനാണ്​ അദ്ദേഹം മക്കയിലെത്തിയത്​. 11ാം തിയതി ദാരുണമായ അപകടത്തിനിരയായി മരിച്ചു. 

സംഭവത്തെ തുടർന്ന്​ ഉമ്മ മനം തകർന്നിരിക്കയാണെന്നും തനിക്ക്​ മക്കയിലെത്താൻ സൗകര്യം ചെയ്​തുതരണമെന്നും ആവശ്യപ്പെട്ട്​ മുഹ്​സിൻ സംസ്​ഥാന സർക്കാറിനും കേന്ദ്ര വിദേശകാര്യമന്ത്രി സുഷമ സ്വരാജിനും ​ നിവേദനം നൽകിയിരുന്നു.  രേഖകൾ ശരിയായാൽ മുഹ്​സിന്​ ഉമ്മയോടൊപ്പം ഹജ്ജ്​ ചെയ്യാൻ സാധിക്കും. പഴഞ്ചൻ കെട്ടിടത്തിൽ ഹാജിമാരെ താമസിപ്പിച്ചതി​​െൻറ ദുരന്തഫലമാണ്​ ബഷീർമാസ്​റ്ററുടെ മരണമെന്ന്​ ആരോപണമുയർന്നിട്ടുണ്ട്​. സാമൂഹികമാധ്യമങ്ങളിൽ വലിയ വിമർശനമാണ്​ ഇൗ സംഭവത്തിൽ ഉണ്ടായിരിക്കുന്നത്​.