ബാസ്ബാൾ പ്രീമിയർ ക്രിക്കറ്റ് ലീഗ്: ഡ്രീം ഇലവൻ ജേതാക്കൾ

റിയാദ്: മലബാർ യുനൈറ്റഡ് ക്ലബ് സംഘടിപ്പിച്ച ബാസ്ബാൾ പ്രീമിയർ ക്രിക്കറ്റ് ലീഗിൽ ഡ്രീംസ് ഇലവൻ ജേതാക്കളായി. റിയാദിലെ പ്രമുഖരായ 12 ടീമുകൾ മാറ്റുരച്ച ലീഗ് ഫൈനലിൽ കരുത്തരായ വീ-വൺ സാറ്റർഡെ ടീമിനെ പരാജയപ്പെടുത്തി ഡ്രീം ഇലവൻ ജേതാക്കളാവുകയായിരുന്നു. ബാറ്റിങ്ങിനിറങ്ങിയ വീ-വൺ സാറ്റർഡേ നിശ്ചിത 16 ഓവറിൽ ഒമ്പതുവിക്കറ്റ് നഷ്ടത്തിൽ 169 റൺസ് എടുത്തു.

മറുപടി ബാറ്റിങ്ങിനിറങ്ങിയ ഡ്രീം ഇലവൻ 15 ഓവറിൽ നാല് വിക്കറ്റ് നഷ്ടത്തിൽ ലക്ഷ്യത്തിലെത്തി. ഡ്രീം ഇലവനിലെ അൻസിലിനെ കളിയിലെ കേമനായും സങ്കീർത്തിനെ ടൂർണമെന്റിലെ മികച്ച താരമായും ബാറ്റ്സ്മാനായും തിരഞ്ഞെടുത്തു. വീ-വൺ സാറ്റർഡേയുടെ മുഫാരിസ് ആണ് ടൂർണമെൻറിലെ മികച്ച ബൗളർ.