ബാങ്ക്​ അക്കൗണ്ടുകൾക്ക്​ നാഷനൽ അഡ്രസ്​ രജിസ്​ട്രേഷൻ നിർബന്ധമാക്കി 

ജിദ്ദ: ബാങ്ക്​ അക്കൗണ്ടുകൾക്ക്​​ കൃത്യമായ വിലാസവും ലൊക്കേഷൻ വിശദാംശങ്ങളും നിർബന്ധമാക്കി. നാഷനൽ അഡ്രസ്​ സിസ്​റ്റത്തിലെ രജിസ്​ട്രേഷനാണ്​ ഇതിനാവശ്യം. ഇതിനായി എല്ലാ അക്കൗണ്ട്​ ഉടമകളും നാഷനൽ അഡ്രസ്​ സിസ്​റ്റത്തിൽ രജിസ്​റ്റർ ചെയ്യുകയും അത്​ ബാങ്ക്​ അക്കൗണ്ടുമായി ബന്ധിപ്പിക്കുകയും വേണം. ഏപ്രിൽ 14 ആണ്​ ഇതുപൂർത്തിയാക്കാനുള്ള അവസാന ദിവസം. 

നാഷനൽ അഡ്രസ്​ സിസ്​റ്റം നടപ്പാക്കണമെന്ന സൗദി അറേബ്യൻ മോണിറ്ററി അതോറിറ്റിയുടെ (സാമ) നിർദേശത്തെ തുടർന്നാണ്​ ബാങ്കുകളുടെ നീക്കം. ജ്യോഗ്രഫിക്​ ഇൻഫർമേഷൻ സിസ്​റ്റത്തിൽ (ജി.​െഎ.എസ്​) അധിഷ്​ഠിതമായ ഏകീകൃത വിലാസത്തി​​െൻറ ഡാറ്റ ശേഖരമാണ്​ നാഷനൽ അഡ്രസ്​ സിസ്​റ്റം. അറബ്​ ലോകത്ത്​ സൗദി അറേബ്യയാണ്​ ആദ്യമായി ഇൗ സംവിധാനം നടപ്പാക്കിയത്​. സേവനങ്ങൾ വേഗത്തിലും കാര്യക്ഷമമായും ഉപഭോക്​താക്കൾക്ക്​ എത്തിക്കാൻ ഇത്​ സൗകര്യമൊരുക്കും. അടിയന്തിര സാഹചര്യങ്ങളിൽ ഡിജിറ്റൽ നാവിഗേഷൻ സംവിധാനത്തിലൂടെ ഉടനടി സ്​ഥലത്തെത്താനുമാകും. വിവിധ ബാങ്കുകൾ തങ്ങളുടെ ലൊക്കേഷൻ വിലാസം അറിയിക്കണമെന്ന്​ ആവശ്യപ്പെട്ട്​ ഉപഭോക്​താക്കൾക്ക്​ സന്ദേശം അയച്ചുതുടങ്ങിയിട്ടുണ്ട്​. ബാങ്ക്​ അക്കൗണ്ട്​ പേജ്​ വഴി തങ്ങളുടെ പ്രൊഫൈലുകൾ അപ​്​ഡേറ്റ്​ ചെയ്യാം. ആദ്യം ‘നാഷനൽ അഡ്രസി’​​െൻറ https://address.gov.sa/en/ എന്ന ലിങ്കിൽ രജിസ്​റ്റർ ചെയ്​ത ശേഷമാണ്​ അക്കൗണ്ടുമായി ബന്ധിപ്പിക്കേണ്ടത്​. 

അൻവാൻ അൽവതനി എന്നറിയപ്പെടുന്ന നാഷനൽ അഡ്രസ്​ സിസ്​റ്റത്തിൽ ആറുഅടിസ്​ഥാന വിവരങ്ങളാണ്​ ​​പ്രധാനമായും രേ​ഖപ്പെടുത്തുന്നത്​. കെട്ടിടം നമ്പർ, സ്​​ട്രീറ്റി​​െൻറ പേര്​, സ്​ഥലപ്പേര്​, നഗരം, പോസ്​റ്റൽകോഡ്​ അല്ലെങ്കിൽ സിപ്​ കോഡ്​, ഫോൺ നമ്പർ എന്നിവയാണവ. അബ്​ശിർ സേവനത്തിന്​ രജിസ്​റ്റർ ചെയ്​ത ഫോൺ നമ്പരും ഇതിൽ നൽകേണ്ടിവരും.