എയർ ബലൂൺ ആസ്ഥാനം അൽഉലയിൽ തുടങ്ങി

അൽഉല: സൗദി എയർ ബലൂൺ സ്​പോർട്​സ്​ ഫെഡറേഷൻ ആസ്ഥാനം അൽഉലയിൽ പ്രവർത്തനമാരംഭിച്ചു. സ്വയം പറക്കുന്നതും അല്ലാത്തതുമായ എല്ലാ എയർ ബലൂൺ സ്പോർട്​സ്​ ഇനങ്ങളെയും പ്രോത്സാഹിപ്പിക്കാനും ഇതുമായി ബന്ധപ്പെട്ട്​ മത്സര, വിനോദ പരിപാടികൾ സംഘടിപ്പിക്കാനും ലക്ഷ്യമിട്ടാണ്​ ആസ്ഥാന മന്ദിരം പണിതത്​. ഉദ്ഘാടന ചടങ്ങി​​െൻറ ഭാഗമായി അൽഉലായുടെ ആകാശത്ത്​ അന്താരാഷ്​ട്ര പൈലറ്റുമാരുടെ നിയന്ത്രണത്തിൽ എയർ ബലൂണുകൾ പറന്നു. കഴിഞ്ഞ വർഷം ശൈത്യകാലത്ത് തന്നൂറാ ഉത്സവവേളയിൽ പ്രദേശത്ത് എയർബലൂൺ ഫെസ്​റ്റിവൽ സംഘടിപ്പിച്ചിരുന്നു.

10 ദിവസം നീണ്ട ഫെസ്​റ്റിവലിൽ ഏകദേശം 100 വ്യത്യസ്​ത ഇനങ്ങളിലുള്ള എയർ ബലുണുകളാണ് പറത്തിയത്​. ഇത് വിജയകരമായതിനെ തുടർന്നാണ് ഇപ്പോൾ ഇവിടം ഫെഡറേഷൻ ആസ്ഥാനം പണിയാൻ തെരഞ്ഞെടുത്തത്​. അൽഉലായുടെ പ്രകൃതി രമണീയതക്ക് യോജിച്ച വിനോദമാണ് എയർ ബലൂൺ സ്പോർട്സ് എന്ന് ഫെഡറേഷൻ മേധാവി എൻജി. അംറു അൽമദനി പറഞ്ഞു. എയർ ബലൂൺ സ്പോർട്​സിനെ പ്രോത്സാഹിപ്പിക്കുന്നതോടൊപ്പം രാജ്യത്തെ മറ്റ് ഭാഗങ്ങളിലേക്ക് അത് പ്രചരിപ്പിക്കുന്നതിനും ഫെഡറേഷൻ പ്രാധാന്യം കൽപിക്കുന്നതായും അദ്ദേഹം പറഞ്ഞു.