ആ​യി​രം കാ​ത​ങ്ങ​ൾ ന​ട​ന്ന്​ താ​ണ്ടി ബ​ഖീ​ത്​ അ​ൽ​അം​റി സൗ​ദി​യി​ലെ​ത്തി

റി​യാ​ദ്​: രാ​ഷ്​​ട്ര​ത്തി​​ന്‍റെ സ്ഥാ​പ​ക ദി​ന​ത്തി​ൽ കാ​ൽ​ന​ട​യാ​യി സൗ​ദി അ​റേ​ബ്യ​യി​ലെ​ത്ത​ണ​മെ​ന്ന്​ ആ​ഗ്ര​ഹം സ​ഫ​ല​മാ​യ​തി​​ന്‍റെ നി​ർ​വൃ​തി​യി​ലാ​ണ്​ ഒ​മാ​നി സ​ഞ്ചാ​രി​യാ​യ ബ​ഖീ​ത് അ​ൽ​അം​റി. യാ​ത്രാ​ക്ലേ​ശ​ങ്ങ​ളൊ​ന്നും ബ​ഖീ​ത്​ കാ​ര്യ​മാ​ക്കി​യി​ല്ല. 52 ദി​വ​സ​ങ്ങ​ളോ​ളം കാ​ൽ​ന​ട​യാ​യാ​ണ്​​ സ​ലാ​ല​യി​ൽ നി​ന്ന്​ സൗ​ദി​യി​ലെ​ത്തി​യ​ത്. ഒ​മാ​നി സൈ​ന്യ​ത്തി​ൽ​നി​ന്ന് വി​ര​മി​ച്ച​യാ​ളാ​ണ്​ ബ​ഖീ​ത്. അ​തി​നു​ശേ​ഷ​മാ​ണ്​ വി​ശ്ര​മ​ജീ​വി​തം ന​യി​ക്കാ​തെ​ യാ​ത്രി​ക​നാ​യി മാ​റി​യ​ത്. സ​ലാ​ല​യി​ലെ സു​ൽ​ത്താ​ൻ ഖാ​ബൂ​സ് സെൻറ​ർ ഫോ​ർ ക​ൾ​ച്ച​ർ ആ​ൻ​ഡ് എ​ന്‍റ​ർ​ടെ​യ്ൻ​മെ​ന്‍റി​ന് മു​ന്നി​ൽ​നി​ന്നാ​ണ് യാ​ത്ര തു​ട​ങ്ങി​യ​ത്.

സ​ലാ​ല​യി​ൽ​നി​ന്ന്​ യ​മ​നി​ലേ​ക്കു​​ക​ട​ന്ന് അ​വി​ടെ​നി​ന്ന്​ അ​ൽ​വാ​ദി​യ തു​റ​മു​ഖ​ത്തി​ലൂ​ടെ സൗ​ദി​യി​ലേ​ക്ക്​ പ്ര​വേ​ശി​ച്ചു. സൗ​ദി​യു​ടെ തെ​ക്ക​ൻ അ​തി​ർ​ത്തി പ്ര​ദേ​ശ​മാ​യ ശ​റൂ​റ​യി​ലെ​ത്തി​യ​പ്പോ​ൾ പ്ര​ദേ​ശ​വാ​സി​ക​ൾ ഏ​റെ സ്നേ​ഹ​ത്തോ​ടെ​യും അ​ഭി​ന​ന്ദ​ന​ങ്ങ​ളോ​ടെ​യു​മാ​ണ്​ സ്വീ​ക​രി​ച്ച​തെ​ന്ന്​ ബ​ഖീ​ത്​ അ​ൽ​അം​റി പ​റ​ഞ്ഞു. അ​വി​ടെ നി​ന്ന്​ അ​സീ​ർ പ്ര​വി​ശ്യ​യി​ലെ​ത്തി. അ​ൽ​ബാ​ഹ​യി​ലൂ​ടെ മ​ക്ക​യി​ലെ​ത്തി. സ്ഥാ​പ​ക ദി​ന​ത്തി​ൽ സൗ​ദി​യി​ലെ​ത്താ​നു​ള്ള യാ​ത്ര​യെ​ക്കു​റി​ച്ച് ഈ ​വ​ർ​ഷ​ത്തി​​​ന്‍റെ തു​ട​ക്ക​ത്തി​ലാ​ണ്​ ചി​ന്തി​ച്ചു​തു​ട​ങ്ങി​യ​ത്. യാ​ത്ര​യ്ക്കി​ടെ സ്ഥാ​പ​ക ദി​നാ​ഘോ​ഷ​ത്തി​ൽ പ​ങ്കെ​ടു​ക്കാ​നും ഉം​റ, ഹ​ജ്ജ് ക​ർ​മ​ങ്ങ​ൾ നി​ർ​വ​ഹി​ക്കാ​ൻ മ​ക്ക​യി​ലെ​ത്താ​നും ഞാ​ൻ ആ​ഗ്ര​ഹി​ച്ച​താ​യി അ​ദ്ദേ​ഹം പ​റ​ഞ്ഞു. ഇ​തി​നാ​യി ഒ​മാ​നി​ലെ സാം​സ്​​കാ​രി​ക കാ​യി​ക യു​വ​ജ​ന മ​ന്ത്രാ​ല​യ​ത്തി​ന് അ​പേ​ക്ഷ ന​ൽ​കു​ക​യും യാ​ത്ര​ക്ക്​ ലൈ​സ​ൻ​സും അ​നു​മ​തി​യും ആ​വ​ശ്യ​പ്പെ​ടു​ക​യും ചെ​യ്​​തു. ഉ​ട​ൻ ത​ന്നെ അ​നു​മ​തി ല​ഭി​ച്ചു. തു​ട​ർ​ന്ന്​ സ​ലാ​ല​യി​ൽ​നി​ന്ന് യ​മ​നി​ലേ​ക്കും മ​രു​ഭൂ​മി​യി​ലൂ​ടെ പി​ന്നെ സൗ​ദി അ​റേ​ബ്യ​യി​ലേ​ക്കും എ​ത്താ​നു​ള്ള റൂ​ട്ടു​ക​ൾ മ​ന​സ്സി​ലാ​ക്കി. അ​ങ്ങ​നെ കാ​ൽ​ന​ട​യാ​യി യാ​ത്ര പു​റ​പ്പെ​ട്ടു. യാ​ത്ര​യ്​​ക്കി​ടെ ഒ​മാ​നി ഹ​ജ്ജ് ഗ്രൂ​പ്പു​ക​ളി​ൽ​നി​ന്ന്​ യാ​ത്രാ​റൂ​ട്ടു​ക​ളെ​യും മ​റ്റ്​ കാ​ര്യ​ങ്ങ​ളെ​യും കു​റി​ച്ചു​ള്ള വി​വ​ര​ങ്ങ​ൾ ശേ​ഖ​രി​ക്കാ​ൻ ശ്ര​മി​ച്ചു. പ​ല​യി​ട​ങ്ങ​ളി​ൽ അ​പ​ക​ട​ങ്ങ​ൾ നി​റ​ഞ്ഞ പാ​ത​യി​ൽ പ​ല ബു​ദ്ധി​മു​ട്ടു​ക​ൾ നേ​രി​ട്ടു.

അ​തി​ഥി​ക​ളെ സ്വീ​ക​രി​ക്കു​ക, അ​വ​രെ സം​ര​ക്ഷി​ക്കു​ക, ആ​തി​ഥ്യം കാ​ണി​ക്കു​ക തു​ട​ങ്ങി​യ അ​റ​ബ് ആ​ചാ​ര​ങ്ങ​ൾ യാ​ത്ര​യ്ക്കി​ട​യി​ൽ അ​നു​ഭ​വി​ക്കാ​നാ​യി. യാ​ത്ര​യു​ടെ ല​ക്ഷ്യ​ങ്ങ​ൾ നേ​ടാ​നാ​യി. ചി​ല​ർ ന​ഗ​ര​ങ്ങ​ൾ​ക്കി​ട​യി​ൽ ആ​ളു​ക​ളും കാ​ൽ​ന​ട യാ​ത്ര​യി​ൽ പ​ങ്കെ​ടു​ത്തു. സു​ര​ക്ഷാ ഉ​ദ്യോ​ഗ​സ്ഥ​രി​ൽ നി​ന്നും ശ​റൂ​റ​യി​ലെ​യും ന​ജ്‌​റാ​നി​ലെ​യും ആ​ളു​ക​ളി​ൽ നി​ന്നും ന​ല്ല പി​ന്തു​ണ ല​ഭി​ച്ചു. അ​വ​രോ​ടൊ​പ്പം സ്ഥാ​പ​ക ദി​നം ആ​ഘോ​ഷി​ച്ചു. സൗ​ദി​യി​ലെ​ത്തി​യ ബ​ഖീ​ത്​ അ​ൽ​അം​റി ത​നി​ക്ക്​ ല​ഭി​ച്ച ന​ല്ല സ്വീ​ക​ര​ണ​ത്തി​നും ഉ​ദാ​ര​മാ​യ ആ​തി​ഥ്യ​മ​ര്യാ​ദ​യ്ക്കും ഊ​ഷ്മ​ള​മാ​യ സ്വീ​ക​ര​ണ​ത്തി​നും സൗ​ദി സ​ർ​ക്കാ​രി​നോ​ടും സൗ​ദി ജ​ന​ത​യോ​ടും അ​ഗാ​ധ​മാ​യ ന​ന്ദി രേ​ഖ​പ്പെ​ടു​ത്തി.