ബാഗ് ഡി നാനോ ക്രിക്കറ്റ്: കിനാനി ചാമ്പ്യന്മാർ

ജിദ്ദ: ശബാബിയ ഗ്രൗണ്ടിൽ നടന്ന പ്രഥമ അബീർ ബാഗ് ഡി നാനോ ക്രിക്കറ്റിൽ കിനാനി ചാമ്പ്യമാരായി. ജിദ്ദ ഹോക്‌സിനെ അഞ്ച്​ വിക്കറ്റിന് തോൽപ്പിച്ചാണ് കിനാനി ചാമ്പ്യമാരായത്. ടോസ് നേടി ബാറ്റിങ്​ തെരഞ്ഞെടുത്ത ജിദ്ദ ഹോക്സ് 4.5 ഒാവറിൽ 29 റൺസിന്‌ ഓൾ ഔട്ടായി. മറുപടി ബാറ്റിങ്ങിൽ 4.4 ഓവറിൽ ഒരു വിക്കറ്റ് നഷ്്ടത്തിൽ കിനാനി ലക്ഷ്യം നേടി. സഊദിനെ ഫൈനലിലെ മാൻ ഓഫ് ദ മാച്ചായി തെരഞ്ഞെടുത്തു.

നേരത്തെ സെമി ഫൈനലിൽ സോക്കർ ഗയ്‌സിനെ 18 റൺസിന്‌ തോൽപിച്ചാണ് കിനാനി ഫൈനലിൽ യോഗ്യത നേടിയത്. രണ്ടാം സെമിയിൽ എ.പി റോക്കേഴ്​സിനെ 25 റൺസിന്‌ തോൽപ്പിച്ച് ജിദ്ദ ഹോക്സ് ഫൈനലിൽ പ്രവേശിച്ചു. നാല്​ പൂളുകളിലായി 12 ടീമുകൾ മത്സരിച്ച ടൂർണമ​െൻറിൽ സോക്കർ ഗയ്‌സ്, എ.പി റോക്കേഴ്​സ്, കിനാനി, ജിദ്ദ ഹോക്സ് എന്നിവർ ഗ്രൂപ്പ് ജേതാക്കളായി സെമിയിൽ പ്രവേശിച്ചു.

ടൂർണമ​െൻറിൽ മികച്ച ബൗളറായി ഡാഫിസിനെയും മികച്ച ബാറ്റ്​സ്മാനായി അസ്​ലമിനെയും മികച്ച താരമായി മുഹമ്മദ് സലീമിനെയും തെരഞ്ഞെടുത്തു. കാണികൾക്കായി ഏർപ്പെടുത്തിയ ടിക്ക് ടോക് മത്സരത്തിൽ ഫിറോസ് ജേതാവായി. ടൂർണമ​െൻറ് ചാമ്പ്യന്മാർക്കുള്ള ട്രോഫിയുടെ അനാച്ഛാദനം ഡോ. അഹമ്മദ് ആലുങ്ങലും റണ്ണേഴ്‌സിനുള്ള ട്രോഫി പ്രകാശനം രജീഫും നിർവഹിച്ചു.

ടൂർണമ​െൻറ്​ സമാപന ചടങ്ങിൽ സഹനാസ് നേതൃത്വം നൽകി. റണ്ണേഴ്‌സ് ടീമിനുള്ള ട്രോഫിയും മെഡലുകളും ജാഫറലി പാലക്കോടും മെഹ്‌ഫൂസും ചേർന്ന് നിർവഹിച്ചു. ചാമ്പ്യൻസ് ട്രോഫിയും മെഡലുകളും പ്രഫ. ഡോ. ഫൈസൽ ടൂർണമ​െൻറ്​ ചെയർമാൻ റെസ്‌മിനുമായി ചേർന്ന് നൽകി. ബാഗ് ഡി മെമ്പർമാർ ടൂർണമ​െൻറ്​ നിയന്ത്രിച്ചു.