ജോലിക്കാര്‍ക്ക് ബലദിയ  ആരോഗ്യ സര്‍ട്ടിഫിക്കറ്റ് നിര്‍ബന്ധം

റിയാദ്: രാജ്യത്ത്​ ചില ജോലികളില്‍ ഏർപ്പെടുന്നവര്‍ക്ക് ആരോഗ്യ സര്‍ട്ടിഫിക്കറ്റ് നിര്‍ബന്ധമാക്കി തദ്ദേശഭരണ മന്ത്രാലയം വിജ്ഞാപനമിറക്കി. രാജ്യത്തെ ചില മേഖലയില്‍ ആരോഗ്യ സര്‍ട്ടിഫിക്കറ്റ് നിര്‍ബന്ധമായിരുന്നപ്പോള്‍ മറ്റു ചില മേഖലകള്‍ ഇത് പാലിക്കാതിരുന്ന സാഹചര്യത്തിലാണ് മന്ത്രാലയത്തി​​​​െൻറ നിര്‍ദേശം. 
തൊഴിലാളികളെ സ്ഥലം മാറ്റുമ്പോള്‍ ആരോഗ്യ സര്‍ട്ടിഫിക്കറ്റ് ഇല്ലാത്തി​​​​െൻറ പേരില്‍ പിഴ ലഭിച്ചതിനെ തുടര്‍ന്ന് സ്ഥാപന ഉടമകളില്‍ നിന്ന്​ വന്ന പരാതിയെ തുടര്‍ന്നാണ് മന്ത്രാലയത്തി​​​​െൻറ നടപടി എന്ന പ്രദേശിക മാധ്യമങ്ങള്‍ റിപ്പോര്‍ട്ട് ചെയ്തു. ആരോഗ്യ മന്ത്രാലയവുമായി സഹകരിച്ച തദ്ദേശഭരണ മന്ത്രാലയമാണ്​ തൊഴിലാളികള്‍ക്ക് ആരോഗ്യ സര്‍ട്ടിഫിക്കറ്റ് നല്‍കുക. ഏതെങ്കിലും മേഖലയില്‍ നിന്ന് ലഭിച്ച സര്‍ട്ടിഫിക്കറ്റ് ഉപയോഗിച്ച് ഇതര മേഖലയിലും ജോലി ചെയ്യാവുന്നതാണെന്നും മന്ത്രാലയ വൃത്തങ്ങള്‍ വിശദീകരിച്ചു.