ഖഫ്​ജിയിൽ പഴകിയ മത്സ്യം പിടികൂടി 

ദമ്മാം: ഖഫ്‌ജിയിൽ നിന്ന്​ വ്യാപകമായി പഴകിയ മത്സ്യം പിടികൂടി. നഗരസഭയുടെ കീഴിൽ നഗരത്തി​​െൻറ വിവിധ ഭാഗങ്ങളിൽ നടത്തിയ പരിശോധനയിലാണ്​ 40 കിലോ പഴകിയ മത്സ്യവും 25 കിലോ കേടായ ഭക്ഷ്യ വസ്തുക്കളും പിടിച്ചെടുത്തത്​.  മത്സ്യ^മാംസ മാർക്കറ്റുകൾ, പച്ചക്കറി ചന്തകൾ, ഹോട്ടലുകൾ, ലഘു ഭക്ഷണ ശാലകൾ എന്നിവിടങ്ങളിലാണ് ഭക്ഷ്യ വകുപ്പി​​െൻറ നേതൃത്വത്തിൽ പരിശോധന നടത്തിയത്. ക്രമക്കേട് കണ്ടെത്തിയ സ്ഥാപനങ്ങൾക്കെതിരെ പിഴയടക്കമുള്ള നടപടികൾ സ്വീകരിച്ചു. ഇത്തരം ക്രമക്കേടുകൾക്കെതിരെ കർശന നടപടി സ്വീകരിക്കുമെന്ന് നഗരസഭാ മേധാവി മുഹമ്മദ് ഹുമൈദാനി അറിയിച്ചു. 940 എന്ന ഹോട്ട് ലൈൻ നമ്പറിൽ ഇത്തരം പരാതികൾ അറിയിക്കണമെന്ന് അധികൃതർ വ്യക്തമാക്കി.