ശ്വാസതടസ്സം: അഴീക്കോട് സ്വദേശി റിയാദിൽ മരിച്ചു

റിയാദ്: ശ്വാസതടസ്സത്തെ തുടർന്ന് ആശുപത്രിയിൽ പ്രവേശിപ്പിച്ച കണ്ണൂർ അഴീക്കോട് സ്വദേശി മരിച്ചു. ചെമ്മശ്ശേരി പാറ സ്വദേശി സി.പി. അബ്ദുൽ മജീദ് (58) ആണ് മരിച്ചത്. റിയാദിലെ കിങ് സൽമാൻ ആശുപത്രിയിലായിരുന്നു അന്ത്യം. സ്വകാര്യ കമ്പനിയിൽ 10 വർഷമായി ജോലി ചെയ്തുവരികയായിരുന്നു.

ഭാര്യ: ജൈസത്ത്. മക്കൾ: ജവാദ് (ദുബൈ), ഷിബില, ഫസ്ന. ഖബറടക്ക നടപടികൾ പൂർത്തിയാക്കാൻ റിയാദ് കെ.എം.സി.സി സെൻട്രൽ കമ്മിറ്റി വെൽഫയർ വിങ് ചെയർമാൻ സിദ്ദീഖ് തുവ്വൂർ, ഹുസൈൻ കണ്ണൂർ, അൻവർ വാരം എന്നിവർ രംഗത്തുണ്ട്.