സൗദികളുടെ പ്രതിമാസ ശരാശരി ശമ്പളം  10,089 റിയാൽ, വിദേശികളുടേത് 3,768 റിയാൽ​ 

റിയാദ്: സൗദികളുടെ ശരാശരി  പ്രതിമാസ ശമ്പളം 10,089 റിയാലായി വർധിച്ചതായി ജനറൽ അതോറിറ്റി ഒാഫ്​ സ്​റ്റാറ്റി`സ്​റ്റിക്​സി​​​െൻറ പുതിയ റിപ്പോർട്ട്​. 2018 ലെ ആദ്യ നാല്​ മാസത്തെ കണക്കാണിത്​. 9,939 റിയാലിൽ നിന്നാണ്​ 10,089 ആയി വർധിച്ചത്​​. രണ്ട്​ ശതമാനം ശമ്പള വർധനയാണ്​ സൗദി തൊഴിൽ വിപണിയെ അടിസ്​ഥാനമാക്കി നടത്തിയ കണക്കെടുപ്പിൽ രേഖപ്പെടുത്തിയത്​. അതേ സമയം സൗദിയിൽ വിവിധ മേഖലകളിൽ ജോലി ചെയ്യുന്ന വിദേശികളുടെ ശരാശരി പ്രതിമാസ ശമ്പളം 3768 റിയാൽ മാത്രമാണ്​. പുതിയ ക്വാർട്ടറിൽ മൂന്ന്​ ശതമാനം വർധനവ്​ വിദേശി തൊഴിലാളികളുടെ പ്രതിമാസ ശമ്പളത്തിൽ ഉണ്ടായിട്ടുണ്ട്​ എന്നാണ് ജനറൽ അതോറിറ്റി ഒാഫ്​ സ്​റ്റാറ്റിസ്​റ്റിക്​സ്​ വ്യക്​തമാക്കുന്നത്​. 3,674 റിയാലായിരുന്നു 2017^ൽ വിദേശിയുടെ ശരാരാശി ശമ്പളം. അതേ സമയം സൗദി വനിതകളുടെ ശരാശരി ശമ്പളം 9,230 റിയാലാണ്​. പുരുഷൻമാരെ അപേക്ഷിച്ച്​ 859 റിയാലി​​​െൻറ കുറവുണ്ട്​.  
 രാജ്യത്തെ മൊത്തം ശരാശരി ശമ്പളം 2018 ലെ കണക്ക്​ പ്രകാരം 6,210 റിയാലാണ്​​. സർക്കാർ മേഖലയിൽ സൗദി പുരുഷൻമാരുടെ ശമ്പളം 11,095 റിയാലും സ്​ത്രീകളുടേത്​ 10, 289 റിയാലുമാണ്​. സ്വകാര്യ മേഖലയിൽ സൗദി പൗര​​​െൻറ ശരാശരി ശമ്പളം 7297 ഉം വിദേശികളുടേത്​  3,899 റിയാലുമാണ്​. 50^54 വയസുള്ള സൗദികളുടെ ഉയർന്ന ശമ്പളം 14,251 റിയാലാണ്​. അതേ സമയം 65 കഴിഞ്ഞ വിദേശിയുടെ ശമ്പളം 6,189 ആണ്​. 60 വയസ്​ കഴിഞ്ഞ 3, 61 000  തൊഴിലാളികൾ രാജ്യത്തുണ്ടെന്നാണ്​ കണക്ക്​. ഇതിൽ 320,000 പേർ വിദേശികളും 41,055 പേർ സ്വദേശികളുമാണ്​. അതായത്​ 11 ശതമാനം മാത്രമാണ്​ ഇൗ ഗണത്തിൽ ജോലി ചെയ്യുന്ന സ്വദേശികൾ. രാജ്യത്ത്​ എല്ലാമേഖലയിലും സ്വ​ദേശിവത്​കരണം ശക്​തമാവുന്നതോടെ  തൊഴിൽ മേഖലയിലെ വേതനച്ചെലവ്​ വൻതോതിൽ കുടുമെന്നാണ്​ ജനറൽ അതോറിറ്റി ഒാഫ്​ സ്​റ്റാറ്റിസ്​റ്റിക്​സി​​​െൻറ കണക്കുകൾ വ്യക്​തമാക്കുന്നത്​. അതുകൊണ്ട്​ തന്നെ ചേംബർ ഒാഫ്​ കൊമേഴ്​സ്​ പോലുള്ള സ്​ഥാപനങ്ങൾ സമ്പൂർണ സ്വദേശിവത്​കരണത്തെ അനുകൂലിക്കുന്നില്ല.