ആരിഫിന്​ തോറ്റ ചരിത്രമില്ലെന്ന്​ അനുജൻ അൻവാസ്​

റിയാദ്​: കോളജിൽ മാഗസിൻ എഡിറ്ററായി തുടങ്ങി യൂനിയൻ ചെയർമാനും ജില്ലാ പഞ്ചായത്ത്​ അംഗവും മൂന്നു തവണ എം.എൽ.എയുമായ , മത്സര ചരിത്രത്തിലെങ്ങും തോൽവി അറിഞ്ഞിട്ടില്ലാത്ത എ.എം ആരിഫ്​ ഇക്കുറിയും പതിവ്​ തെറ്റിക്കില്ലെന്ന്​ അനുജൻ​ . ആലപ്പുഴ ലോക്​സഭ മണ്ഡലത്തിലെ ഇടതുമുന്നണി സ്ഥാനാർഥിയുടെ ഭൂരിപക്ഷം എത്രയാണെന്നറിയാ​നേ കാത്തിരിക്കേണ്ടതുള്ള ൂ എന്നും റിയാദിൽ 20 വർഷമായി പ്രവാസിയായ എ.എം അൻവാസ് പറയുന്നു. ആലപ്പുഴ തങ്കത്തിൽ വീട്ടിൽ അബ്​ദുൽ മജീദി​​​െൻറയും നബ ീസത്ത്​ ബീവിയുടെയും മൂന്ന്​ മക്കളിൽ മൂത്തയാളാണ്​ ആരിഫ്​. അൻവാസ്​ രണ്ടാമൻ. ഇളയ അനുജൻ അൻസാരി ആലപ്പുഴയിൽ സി.പി.എം ലോക്കൽ കമ്മിറ്റി അംഗവും മത്സ്യഫെഡിൽ ജീവനക്കാരനുമാണ്​.

റിയാദിലെ സി.പി.എം അനുഭാവ സംഘടന നവോദയയുടെ ഭാരവാഹി കൂടിയായ അൻവാസ്​ ബത്​ഹയിലെ സംഘടനാ ഒാഫീസിലിരുന്നു ജ്യേഷ്​ഠ​​​െൻറ രാഷ്​ട്രീയ ചരിത്രത്തിലൂടെ ഒരു ഒാട്ടപ്രദക്ഷിണം നടത്തി. ചേർത്തല എസ്​.എൻ കോളജിൽ ബി.എസ്​സി സുവോളജി​ രണ്ടാം വർഷ വിദ്യാർഥിയായിരിക്കേയാണ്​​ ആരിഫ്​ എസ്​.എഫ്​.​െഎയുടെ മാഗസിൻ എഡിറ്റർ സ്ഥാനാർഥിയാകുന്നത്​. പൊലീസുദ്യോഗസ്​ഥനായിരുന്ന പിതാവ്​ അബ്​ദുൽ മജീദ്​ കോൺഗ്രസ് അനുഭാവിയായിരുന്നു. സ്​കൂളിൽ പഠിക്കു​േമ്പാൾ ആരിഫിന്​ രാഷ്​ട്രീയമൊന്നുമില്ലായിരുന്നു.​ എസ്​.എൻ കോളജിൽ വെച്ചാണ്​​ എസ്​.എഫ്​.െഎയിലെത്തുന്നത്​. കഥയെഴുത്തിലും മിമിക്രിയിലും കഴിവുണ്ടായിരുന്ന ആരിഫ്​ ആദ്യ വർഷത്തെ കോളജ്​ മാഗസിനിൽ എഴുതിയ കഥയുടെ ഇടത്​ സ്വഭാവമാണ്​ എസ്​.എഫ്​.​െഎയിലേക്ക്​ വഴിതെളിയിച്ചത്​. മൂന്നാം വർഷം കോളജ്​ യൂനിയൻ ചെയർമാനായി. രാഷ്​ട്രീയം തലക്ക്​ പിടിച്ചതോടെ ജന്തുശാസ്ത്രത്തിലെ ബിരുദാനന്തര പഠന ലക്ഷ്യം ഒഴിവാക്കി തിരുവനന്തപുരം ലോ അക്കാദമിയിൽ എൽ.എൽ.ബിക്ക്​ ചേർന്നു. പിതാവിന്​ സ്ഥലം മാറ്റമായി കുടുംബം ചേർത്തലയിലെത്തിയതാണ്​​​ എസ്​.എൻ കോളജിൽ വിദ്യാർഥിയാകാൻ കാരണം. വീണ്ടും സ്ഥലം മാറ്റമായി കുടുംബം ആലപ്പുഴയിലേക്ക്​ തിരിച്ചുപോയെങ്കിലും ചേർത്തലയിലെ സി.പി.എം നേതൃത്വം ആരിഫിനെ വിടാനൊരുക്കമല്ലായിരുന്നു.

നിയമബിരുദമെടുത്ത്​ ചേർത്തലയിൽ തിരിച്ചു ചെന്ന്​ അവിടെ പ്രാക്​ടീസ്​ ചെയ്യാൻ ​പാർട്ടി ആവശ്യപ്പെട്ടു. എസ്​.​എഫ്​.​െഎയുടെയും തുടർന്ന്​ ഡി.​വൈ.എഫ്​.​െഎയുടെയും സംസ്ഥാന കമ്മിറ്റിയിലെത്തിയ ആരിഫ്​ മാതൃസംഘടനയിൽ ചേർന്ന്​ ചേർത്തല ടൗൺ ഇൗസ്​റ്റ്​ ലോക്കൽ കമ്മിറ്റി അംഗമായി. ചേർത്തല ഏരിയ കമ്മിറ്റി അംഗവും തുടർന്ന്​ സെക്രട്ടറിയുമായി. അപ്പോഴേക്കും ത്രിതല പഞ്ചായത്ത്​ തെരഞ്ഞെടുപ്പ്​ വന്നു. ചേർത്തല ഡിവിഷനിൽ നിന്ന്​ ജില്ലാ പഞ്ചായത്തിലേക്ക്​ പാർട്ടി സ്ഥാനാർഥിയായി. ജില്ലയിലെ തന്നെ ഏറ്റവും വലിയ ഭൂരിപക്ഷത്തിൽ ജയിച്ചു. വൈകാതെ സംസ്ഥാന തെരഞ്ഞെടുപ്പ്​ വന്നപ്പോൾ അരൂരിൽ സിറ്റിങ്​ എം.എൽ.എയും യു.ഡി.എഫ്​ സ്ഥാനാർഥിയും രാഷ്​ട്രീയ കേരളത്തിലെ അതികായയുമായ സാക്ഷാൽ കെ.ആർ ഗൗരിയമ്മയെ തന്നെ നേരിടാൻ പാർട്ടി രംഗത്തിറക്കി. 4,500 വോട്ടി​​​െൻറ ഭൂരിപക്ഷത്തിലാണ്​ കേരളത്തി​​​െൻറ വിപ്ലവ നായികയെ തറപറ്റിച്ചത്​. വിജയത്തി​​​െൻറ ചരിത്രം ആവർത്തിച്ചുകൊണ്ടേയിരുന്നു. ഒാരോ തവണയും ഭൂരിപക്ഷം ഗണ്യമായി കൂടുകയും ചെയ്​തു.

പിറ്റേ തവണ 19,500 ഉം മൂന്നാം തവണ 35,000 ഉം വോട്ടി​​​െൻറ ഭൂരിപക്ഷം. ഒടുവിലേത്തതാക​െട്ട ജില്ലയിലെ തന്നെ ഏറ്റവും വലിയ ഭൂരിപക്ഷമെന്ന റെക്കാർഡും കുറിച്ചു. കോൺഗ്രസ്​ കൈവശം വെച്ചിരിക്കുന്ന ആലപ്പുഴ ലോക്​സഭ മണ്ഡലം പിടിക്കാൻ പാർട്ടി ഇപ്പോൾ പുതിയ ദൗത്യമേൽപ്പിച്ചിരിക്കുന്നതും അതേ ആത്മവിശ്വാസത്തിലാണ്​. ജന്മനാട്ടിലെ മണ്ഡലത്തിലും വിജയക്കൊടി പാറിക്കുമെന്നും അദ്ദേഹം പാർലമ​​െൻറിലെത്തുമെന്നും അൻവാസും​ അതേ ധൈര്യത്തിൽ തന്നെയാണ്​ പറയുന്നത്​. സ്ഥാനാർഥിത്വം അറിഞ്ഞയുടനെ ജ്യേഷ്​ഠനെ വിളിച്ചു. ‘കയറി വാ’ എന്നദ്ദേഹം പറഞ്ഞു. പക്ഷേ, ഇവിടെ പ്രവാസം പ്രതിസന്ധിയിൽ ഇഴയുന്ന അവസ്ഥയിലായതിനാൽ പോകാൻ കഴിയുമെന്ന്​ തോന്നു​ന്നില്ല. ത​​​െൻറ കുറവ്​ നികത്താൻ ഭാര്യ റോഷ്​നിയും ഇളയ മക്കളായ അഫ്​നയും അഫ്രീനയും ഏപ്രിൽ ഒന്ന്​ മുതൽ പ്രചാരണത്തിനിറങ്ങും. ആലപ്പുഴ ടൗണിൽ തറവാട്ട്​ വീട്ടിനടുത്ത്​ തന്നെയാണ്​ ആരിഫും അൻവാസും വീടുകൾ വെച്ച്​ സ്ഥിരതാമസമുറപ്പിച്ചിരിക്കുന്നത്​. ബാപ്പ അബ്​ദുൽ മജീദ്​​ നേരത്തെ മരിച്ചു.

ഉമ്മ നബീസത്തു ബീവി ഇളയ മകൻ അൻസാരിയോടൊപ്പം തറവാട്ട്​ വീട്ടിലാണ്​. ചേർത്തല ടൗൺ ഇൗസ്​റ്റ്​ ലോക്കൽ കമ്മിറ്റി അംഗമായിരുന്ന അൻവാസ്​ ആലപ്പുഴ ആലിശ്ശേരി ലോക്കൽ കമ്മിറ്റി അംഗമായിരിക്കെയാണ്​ ഉപജീവന മാർഗം തേടി 20 വർഷം മുമ്പ്​ സൗദി അറേബ്യയിലേക്ക്​ വിമാനം കയറിയത്​. എസ്​.​എഫ്​.​െഎ ജില്ലാകമ്മിറ്റി അംഗമായിരിക്കു​േമ്പാൾ കൊല്ലത്ത്​ നടന്ന സി.പി.എം സംസ്ഥാന സമ്മേളനത്തിൽ പ്രതിനിധിയായി പ​െങ്കടുത്തിട്ടുണ്ട്​. അന്നവിടെ ഡി.​വൈ.എഫ്​.​െഎയിൽ നിന്നുള്ള സമ്മേളന പ്രതിനിധിയായി ആരിഫും എത്തിയിരുന്നു. സഹോദരങ്ങൾക്ക്​ ഒരുമിച്ച്​ ഒരു സമ്മേളനത്തിൽ പ്രതിനിധികളായി പ​െങ്കടുക്കാനുള്ള അപൂർവാസരവും അങ്ങനെ കിട്ടി. അതാണ്​ കൂട്ടത്തിലെ ഏറ്റവും നല്ല ഒാർമയും.