ലുലു സൗദി ശാഖകളിൽ ഏഷ്യൻ ഷോപ്പിങ്​ മേളക്ക്​ തുടക്കം

റിയാദ്​: ഏഷ്യൻ രാജ്യങ്ങളുടെ തനത്​ ഷോപ്പിങ്​ അനുഭവം പ്രദാനം ചെയ്യുന്ന ഷോപ്പിങ്​ മേളക്ക്​ ലുലു ഹൈപർമാർക്കറ്റി​െൻറ സൗദി ശാഖകളിൽ തുടക്കം. 'അമേസിങ്​ ഏഷ്യൻ' എന്ന പേരിൽ നടക്കുന്ന മേള എട്ട്​ രാജ്യങ്ങളുടെ സൗദിയിലെ അംബാസഡർമാർ ചേർന്നാണ്​ ഉദ്​ഘാടനം ചെയ്​തത്​. ഏഷ്യൻ രാജ്യങ്ങളിൽ നിന്നുള്ള നിത്യോപയോഗ വസ്​തുക്കൾ, പലവ്യഞ്ജനം, പഴവർഗങ്ങൾ, പച്ചക്കറിയിനങ്ങൾ, തണുപ്പിച്ച ഭക്ഷണവിഭവങ്ങൾ, രുചികരമായ ഭക്ഷ്യയിനങ്ങൾ, ഗൃഹോപകരണങ്ങൾ, ഫർണീച്ചറുകൾ, മറ്റ്​ വസ്​തുക്കൾ തുടങ്ങിയ എല്ലാ ഉൽപന്നങ്ങളുടെയും വൈവിധ്യവും വൈപുല്യവുമായ ശേഖരം സ്വന്തമാക്കാൻ ഉപഭോക്താക്കൾക്ക്​ ഇൗ മേള കാലത്ത്​ ലഭിക്കും.

റിയാദ്​ അവന്യൂ മാളിൽ നടന്ന ഉദ്​ഘാടന ചടങ്ങിൽ ബ്രൂണൈ അംബാസഡർ യൂസുഫ്​ ബിൻ ഇസ്​മാഇൗൽ, ഇന്തോനേഷ്യ ഡെപ്യൂട്ടി ചീഫ്​ ഒാഫ്​ മിഷൻ ആരിഫ്​ ഹിദായത്ത്​, മലേഷ്യ അബ്​ദുറസാഖ്​ അബ്​ദുൽ വഹാബ്​, മ്യാന്മർ അംബാസഡർ ടിൻ യു, ഫിലിപ്പീൻസ്​ അംബാസഡർ അദ്​നാൻ വില്ലലുന അലോ​േൻറാ, സിംഗപ്പൂർ അംബാസഡർ വോങ്​ ചൗ മിങ്​, തായ്​ എംബസി ചാർജ്​ ഡ അഫയേഴ്​സ്​ സതാന കഷേംസാൻറ ന ആയുധ്യ, വിയറ്റ്​നാം അംബാസഡർ വു വൈറ്റ്​ ഡങ്​ എന്നിവരും ലുലു സൗദി ഡയറക്​ടർ ഷെഹിം മുഹമ്മദും​ പ​െങ്കടുത്തു​.

സൗദി പടിഞ്ഞാറൻ മേഖലയിലെ ഉദ്​ഘാടന ചടങ്ങ്​ ജിദ്ദ അമീർ ഫവാസിലെ ഇവൻറ്​ മാളിലുള്ള ലുലു ഹൈപർമാർക്കറ്റിൽ നടന്നു. ഇന്തോനേഷ്യയുടെ കോൺസൽ ജനറൽ ഇകോ ഹർടോണോ, മലേഷ്യൻ ഡെപ്യൂട്ടി കോൺസൽ ജനറൽ ഫറ സ്യാഫിന ബഹരി, തായ്​ കോൺസറൽ ജനറൽ സൊറാജക്​ പുരാണസ്​മൃതി, ഫിലിപ്പീൻസ്​ കോൺസൽ മേരി ജന്നിഫർ ഡി ഡിങ്ങൽ എന്നിവർ പ​െങ്കടുത്തു. ഏഷ്യൻ രാജ്യങ്ങളുമായി ലുലുവിന്​ അഭേദ്യമായ ബന്ധമാണുള്ളതെന്നും മലേഷ്യയിലും ഇന്തോനേഷ്യയിലും ​ൈഹപർമാർക്കറ്റുകളും ഏഷ്യാൻ മേഖലയിൽ ഭക്ഷ്യ, ഭക്ഷ്യേതര ഉൽപന്നങ്ങളുടെ വ്യാപകമായ വിതരണ ശൃംഖലയുമുണ്ടെന്നും ലുലു സൗദി ഡയറക്​ടർ ഷെഹീം മുഹമ്മദ്​ പറഞ്ഞു.