ഹറമിലെ കിങ് അബ്​ദുൽ അസീസ്​ കവാടം  തുറന്നു

മക്ക: മസ്​ജിദുൽ ഹറാമിലെ കിങ് അബ്​ദുൽ അസീസ്​ കവാടം തീർഥാടകർക്ക് തുറന്നുകൊടുത്തു. അവസാനഘട്ട നിർമാണ ജോലികൾ നിർത്തിവെച്ചാണ് റമദാ​​​െൻറ മുന്നോടിയായി കവാടം  തുറന്നുകൊടുത്തത്. ഹറം മത്വാഫ് വികസനത്തി​​െൻറ ഭാഗമായാണ് കിങ് അബ്​ദുൽ അസീസ്​ കവാടം പുതുക്കി പണിതത്. ഏകദേശം ഒന്നര വർഷം മുമ്പാണ് ജോലികൾ ആരംഭിച്ചത്. 

ഹജ്ജ്, റമദാൻ സീസണുകളിൽ തിരക്ക് കുറക്കാൻ കവാടം താത്കാലികമായി തുറന്നുകൊടുത്തിരുന്നു. പ്രധാന ഹറം കവാടമാണിത്. മിസ്​ഫല, അജിയാദ് ഭാഗത്ത് നിന്നെത്തുന്നവർ അധികവും ഹറമിനുള്ളിലേക്ക് പ്രവേശിക്കുന്നത് ഈ കവാടം വഴിയാണ്.  

റമദാൻ പ്ളാൻ തയാറാക്കുന്ന നടപടികൾ പൂർത്തിയായതായി ഇരുഹറം കാര്യാലയ മേധാവി ഡോ. അബ്​ദുറഹ്​മാൻ അൽസുദൈസ്​ പറഞ്ഞു. 
സുഗമമായും സമാധാനപരമായും ഉംറ കർമങ്ങൾ നിർവഹിക്കുന്നതിനു വേണ്ട പദ്ധതികളാണ് ആവിഷ്കരിക്കുന്നതെന്നും അദ്ദേഹം പറഞ്ഞു.