അസീറിൽ കൂറ്റൻ തിമിംഗലം ചത്ത്​ കരക്കടിഞ്ഞു

അബ്​ഹ: അസീർ മേഖലയിലെ മർകസ്​ ഖുഹ്​മ കടൽ തീരത്ത്​ കൂറ്റൻ തിമിംഗലം ചത്ത്​ കരക്കടിഞ്ഞു. തിമിംഗലം കരക്കടിഞ്ഞ വിവരം സൗദി തീരസംരക്ഷണ സേനയ​​ുടെ ശ്രദ്ധയിലാണ്​ ആദ്യം പെട്ടത്​. അവർ വിവരമറിയിച്ചതിനെ തുടർന്ന്​ പ്രത്യേകസംഘം സ്​ഥലത്തെത്തിയെന്ന്​ ഖുഹ്​മ ഫിഷറിസ്​ ബ്രാഞ്ച്​ ഒാഫീസ്​ മേധാവി പ്രാഫ. അലി ഹിംദി പറഞ്ഞു. അറേബ്യൻ ഹംപ്​ബാക്ക്​ ഇനത്തിൽ പെട്ട തിമിംഗലമാണിത്​. ദേശാടന ജീവികളായ ഹംപ്​ബാക്ക്​ വിഭാഗത്തിൽ നിന്ന്​ നേരിയ വ്യത്യാസമുള്ളതാണ്​ അറേബ്യൻ മേഖലയിൽ കാണുന്നവ. വംശനാശ ഭീഷണി നേരിടുന്നവയുമാണ്​. തീരത്തടിഞ്ഞ തിമിംഗലത്തിന്​ 15 മീറ്റർ നീളവും ആറു മീറ്റോളം വീതിയുമുണ്ട്​. പൂർണമായും ജീർണിച്ച്​ ഇല്ലാതായ ശേഷം ഇതി​​​െൻറ അസ്​ഥികൂടം പ്രദർശനത്തിന്​ വെക്കാനാണ്​ അധികാരികളുടെ ആലോചന. മേഖല മ്യൂസിയത്തിന്​ അസ്​ഥികൂടം പിന്നീട്​ കൈമാറും.