അരീക്കോട്‌ മുസ്​ലിം സഹായസമിതി 30-ാം വാർഷികം ഇന്ന്​

റിയാദ്: റിയാദ്​​ അരീക്കോട്‌ മുസ്​ലിം സഹായസമിതിയുടെ 30 വാർഷികം വെള്ളിയാഴ്ച റിയാദ്​ സുലൈ റിമാസ്‌ ഇസ്​തിറാഹയിൽ നടക്കും. വിപുലമായ രീതിയിൽ നടക്കുന്ന ആഘോഷപരിപാടിയിൽ റിയാദിലെ എല്ലാ അരീക്കോട്‌ പ്രദേശവാസികളും പ​ങ്കെടുക്കണമെന്ന്​ ഭാരവാഹികൾ അറിയിച്ചു.

കഴിഞ്ഞ 30‌ വർഷമായി‌ റിയാദിൽ സജീവ പ്രവർത്തനമാണ്​ അരീക്കോട്‌ സഹായ സമിതി നടത്തുന്നത്​. രാവിലെ ഒമ്പതിന്​ വിവിധ കലാപരിപാടികളോടെ ആരംഭിക്കുന്ന വാർഷിക പരിപാടി രാത്രിയോടെ അവസാനിക്കുമെന്ന് സെക്രട്ടറി എം.ടി. അബ്ദുനാസർ, പ്രസിഡന്‍റ്​ അബ്ദുസലാം ചോലകുണ്ടൻ എന്നിവർ അറിയിച്ചു.